مالم تشاهده من قبل عن شارع محمد محمود

[abcdef_475]

بسم الله الرحمن الرحيم
السلام عليكم ورحمة الله وبركاته

لست من كتبت عنوان الفيديو

ولكن ارجوا ان تشاهدوه جيدا

http://www.youtube.com/watch?feature=player_embedded&v=7AOEHjbRGJ0

[youtube]http://www.youtube.com/watch?feature=player_embedded&v=7AOEHjbRGJ0[/youtube]

[abcdef_475]

بسم الله الرحمن الرحيم
السلام عليكم ورحمة الله وبركاته

قيل ان الابطال تواجدوا في شارع محمد محمود لصد محاولات اقتحام الشرطة لميدان التحرير الذي سيكون من هذا الشارع الضيق

مع ان ميدان التحرير له اكثر من منفذ يمكن للشرطة ان تقتحمه من خلالهم



شارع محمد محمود هو الشارع الضيق الذي عليه علامة " صح "

تعليق طريف سمعته : معلش يا جماعه اصل بقالهم 3 ايام لوحدهم

[Maverick]

استحالة ان تكون هذه الاشكال هي من قامت بالثورة او عندهم قضية او مناضلين
اعتقد ان اقل شخص فيهم مسجل في قضية سلاح او مخدرات
لقب شهيد اصبح يوزع بالمجان على قطاعين الطرق والمسجلين
شخص كان يريد ان يقتحم وزارة الداخلية تم اعطاؤه صك الشهادة

[الكونت]

ايه الحكايه يا حج طارق مش فاهم

[Maverick]

هفهم حضرتك انا يا استاذ الكونت
وكويس ان حضرتك اللي سالت عشان الحكم يكون من شخص محايد
حضرتك سمعت عن الاشتباكات اللي كانت في شارع محمد محمود طبعا
دي صورة الميدان وصورة الشارع



الناس بتقول اننا واقفين في الشارع هنا لان الشرطة بتتقدم وعاوزة تدخل الميدان من الشارع دا
دلوقتي انا بسال حضرتك وانت شايف ان ميدان التحرير ليه كام مدخل زي ما طارق نزل الخريطة هل يعقل ان دا يبقي المدخل الوحيد بس للميدان ؟
طيب ما تقتحم من اي مدخل تاني وربنا موسع علينا اهو وانت بنفسك شايف الخريطة
ايه رايك بقي لو قولتلك ان اللي كانوا في شارع محمد محمود دا عاوزين يقتحموا وزارة الداخلية
وخلي بالك ان الشارع دا في المحيط بتاع حرم الوزارة ومؤدي ليها
احكم سيادتك

[الكونت]

اها يعني الشرطه كانت عاوزه تمنع الاقتحام والناس دي عاوزه تبرأ نفسها وتقول تمنع الشرطه من دخول الشارع

لا طبعا المسألة واضحه وضوح الشمس

والناس الهبله دي تستاهل السجن

[abcdef_475]

بسم الله الرحمن الرحيم
السلام عليكم ورحمة الله وبركاته

اديني عقلك

قالوا : احنا هنا في محمد محمود عشان نمنع اقتحام الشرطة للميدان

طيب هي يعني الشرطة مش لاقيه اي شارع تقتحم منه الميدان غير محمد محمود ذلك الشارع الضيق ؟

ما قدامنا الخريطة توجد 4 او 5 شوارع تسمح بمرور لواء مدرع من خلالها بدون اي مشاكل

فهل هذا سبب منطقي ؟

قالوا : الشرطة ضربتنا بغازات حرب كيماوية محرمة دولياً والحمد لله شبابنا وولادنا صمدوا قدامهم في محمد محمود ومنعوهم من دخولهم الميدان

طيب يا صاحب العقل ، ناس استخدمت غازات حرب كيماوية محرمة دولية هيكون صعب عليها استخدام المدرعات لجرف من امامها ممن يغلقون الشارع ومتسلحين فقط بقنابل مولوتوف وحجارة وعصي وسلاح ابيض وقيل طلقات خرطوش

فهل سيمنع هذا عمل المدرعات ويمنع كسحهم ودخول الميدان عن طريق محمد محمود على جثثهم ؟

فالقصة وما فيها

الشباب المحترم لا يمكن ان يفعل الشغب ، والدليل على هذا الاعتصام في الميدان كان سلميا ولم يكن هناك شد ولا جذب مع احد ، مع انه يوجد في الميدان الكثير من الباعة الجائلين والمتسولين ومتعاطي المخدرات ، الا ان هذا لم يحدث في الميدان ، وحدث فقط في محمد محمود حيث بداية تواجد قوات الشرطة

الاشكال التي تظهر في الفيديو لا يمكن ان تكون هي الاشكال التي صنعت ثورة يناير ، بل هؤلاء هم من كانوا يسرقون الناس ويعيثون في الارض فسادا وبلطجة اثناء الثورة ، وتم دفعهم للصدام مع الشرطة ، ومعم بالتحديد اشخاص لهم عداء مسبق مع الشرطة وهم " التراس اهلاوي " ، فتم دفع بعضهم لهناك ، للاشتباك مع الشرطة ، ويا حبذا لو نجحوا في اقتحام وزارة الداخلية ، كما ظهر احدهم يصرخ في احد الفيديوهات وهو يريد دخول الوزارة وحرقها كما حدث مع اقسام الشرطة من قبل

طيب ليه كل دا ؟؟؟؟

احزاب وائتلافات ارادت تعطيل الانتخابات لانها تعلم انها لا ناقة لها فيها ولا جمل ، وان الاسلاميين قادمون لا محالة وخصوصا الاخوان المسلمين

اطياف تريد الفوضي تعم البلاد وهم يعملون وفق خطة خارجية وتعليمات وكل هذا معروف للجميع

اشخاص تريد التجارة لكسب انتخابات الرئاسة والفوز بسلطانية الجزيرة في النهاية ، فهذا هو الوقت لذلك ولا توجد فرصة دعاية افضل من هذا

والان يا مافريك ويا احبه ، تعالوا لنفتش عن الكبار الذين دعوا في الاصل لهذا الاعتصام اين هم منه ؟

هل يدلني احد على واحد منهم - وهم معروفين - يوجد الان او قبل هذا في اعتصام التحرير

يقيم هناك اقامة كاملة

او حتي نصف يوم

او حتي ربع يوم

او حتى يذهب هناك ليصلي الصلوات الخمس

هل يوجد احد من هؤلاء هناك ؟

[younG..PharaoH]

ببساطة كانوا بيسحبوا الشرطة بعيد عن الميدان

لما الناس دي تتوجه للوزارة .. الشرطة هتضطر تقف هناك تحمي

وده ملوش علاقة بعدد المداخل زي ما حضرتك بتشرح

بدل القرف اللي اللي شوفتاه من الشرطه في اول يوم و ضرب للناس

و شد جثة ميت للزبالة

وشد واحدة من شعرها زحف علي الأرض

و اللي بيضرب واحد من ضهره يعني ميقدرش يقول انه هو اللي ابتدا

و 10 متجمعين علي واحد بس ضرب بالعصيان

و ظابط بيلطش لواحد علي وشه و علي قفاه


طبعا ان الناس تهجم علي الوزارة ده كان امر خاطئ

بس في مثل في مصر عندنا بيقول اللي ايده في المايه مش زي اللي ايدو في النار

الناس دي مات صحابهم قدام عنيهم في التحرير نفسه

لو اخوك اللي اتفقعت عينه او مات قدامك .. كان هيبقي ليك نفس الموضوع و تفنيد لمداخل الميدان ؟

دمت في حفظ الله

[abcdef_475]

بسم الله الرحمن الرحيم
السلام عليكم ورحمة الله وبركاته

ببساطة كانوا بيسحبوا الشرطة بعيد عن الميدان

لما الناس دي تتوجه للوزارة .. الشرطة هتضطر تقف هناك تحمي

وده ملوش علاقة بعدد المداخل زي ما حضرتك بتشرح

كلام جميل جدا

اذا وبحسب كلامك فنحن امام احتمالين :

الاول : الشرطة ارادت اقتحام الميدان ، وهنا السؤال :

لماذا الاقتحام يكون من هذا الشارع الضيق مع ان الميدان محاط بشوارع واسعة كبيرة جدا تسمح بمرور لواء مدرع كما قلت ، فما هو السبب وراء هذا الشارع ؟

الثاني : ان الشرطة لم تكن تريد اقتحام الميدان وكانت تقف في شوارع جانبيه فقط ، وعليه لا يوجد هناك اي داع لوجود هؤلاء الاشخاص في شارع محمد محمود ، وكان الاجدر بهم وجودهم في الميدان مع المعتصمين ، فالاعتصام كان في الميدان ولم يكن في الشارع

وهؤلاء لم ينجحوا في صد اقتحام الشرطة للميدان كما يتم تحميسهم بمثل هذا الكلام

فالشرطة التي فعلت

بدل القرف اللي اللي شوفتاه من الشرطه في اول يوم و ضرب للناس

و شد جثة ميت للزبالة

وشد واحدة من شعرها زحف علي الأرض

و اللي بيضرب واحد من ضهره يعني ميقدرش يقول انه هو اللي ابتدا

و 10 متجمعين علي واحد بس ضرب بالعصيان

و ظابط بيلطش لواحد علي وشه و علي قفاه

فلم يكن بالمعجز امامها ادخال مدرعتين تقوم بكسح من امامها من بشر ، ثم يتم عبور اللالف من جنود الامن المركزي والعمليات الخاصة على جثثهم ودخول الميدان

وما كان سيمنعها هؤلاء الاشخاص او عشر مجموعات في حجمهم معهم

ام ان عمليات الكسح والدهس لم تحدث من قبل ؟

بس في مثل في مصر عندنا بيقول اللي ايده في المايه مش زي اللي ايدو في النار

الناس دي مات صحابهم قدام عنيهم في التحرير نفسه

لو اخوك اللي اتفقعت عينه او مات قدامك .. كان هيبقي ليك نفس الموضوع و تفنيد لمداخل الميدان ؟

هل معنى ان صديقك يموت في التحرير امامك ان تمسك بيدك زجاجة مولوتوف او سلاح ابيض في يدك

ثم تهتف بعد ذلك لتقول سلمية .... سلمية

ليس كل من مات له صديق في التحرير يفعل كما تقول

فقد مات لي صديق في التحرير ، ومات شخص كان يقف امامي يتحدث مع صديق له بعيار ناري في راسه

وعن نفسي لو ان لي اخ خرج للتظاهر وقتل وهو يفعل الشعب او يمسك في يده مولوتوف ، فاسكت ولن افتح فمي

فلا نتصور ان احد سيهاجم قوات للامن وسيتم رشقه بالورد

ودمت بود

[Maverick]

[size="4"][font="tahoma"]تقريبا الاستاذ الفرعون الصغير كان في شارع محمد محمود
ممكن حضرتك توصفلنا ايه اللي حصل ؟

[محبة الصحابه]

اقتباس:
المشاركة الأصلية كتبت بواسطة Maverick
استحالة ان تكون هذه الاشكال هي من قامت بالثورة او عندهم قضية او مناضلين
اعتقد ان اقل شخص فيهم مسجل في قضية سلاح او مخدرات
لقب شهيد اصبح يوزع بالمجان على قطاعين الطرق والمسجلين
شخص كان يريد ان يقتحم وزارة الداخلية تم اعطاؤه صك الشهادة





كلامك صحيح مئه فى المئه
من وجهة نظرى دول ليسوا شهداء طبعا لأن اللى أنا اعرفه إن الشهيد ده بيموت فى الحرب مش فى الإعتصامات

[محبة الصحابه]

أخى د / أحمد الراجل اللى إسمه إبراهيم عيسى ده أصلا كداب و ضلالى ، ده العلمانى ملاك جنبه ، أما هو فطريقته هى طريقة تفكير الملحدين ، ربنا يهديه على كل حال

[الكونت]

تم فتح الموضوع بعد حذف ما هو مخالف لقوانين المنتدى

واتمنى الالتزام بقوانيين المنتدى

بارك الله فيكم

[abcdef_475]

بسم الله الرحمن الرحيم
السلام عليكم ورحمة الله وبركاته

بارك الله في الكونت

[younG..PharaoH]

[size="4"][font="tahoma"]تقريبا الاستاذ الفرعون الصغير كان في شارع محمد محمود
ممكن حضرتك توصفلنا ايه اللي حصل ؟

انا ابن عم young..pharaoh و انا كنت في التحرير و في محمد محمود كمان و واخد خرطوشة في وشي و في صدري كمان .

اللي حصل انى منزلتش يوم الجمعة عشان كنت عامل عملية و مكنتش بمشي علي رجلي لسه ...
لكن كنت قاعد في البيت و بتفرج علي التلفزيون و علي النت زي الناس و شوفت الناس و هي بتترمي في الزبالة و ده منظر اعتقد انه استفذ الناس كلها حتى اللي كان بيشتم في الناس اللي في التحرير و الناس اللي مبتحسش اعتقد ان دي ممكن اول مره تكون له يحس فيها ...

http://www.youtube.com/watch?v=txRujAD06Uc

نزلت الميدان بالرغم من انى كنت ماشي بالعكاز اعتقد انى مش بلطجي ولا مسجل علي فكرة ولا معمولي قضية سلاح ...

نزلت لقيت ناس كتيرة في التحرير و حوالي 5 مستشفيات ميدانية واحدة ورا هارديز و واحدة عند كنتاكى و واحدة في عمر مكرم و واحدة وسط الصينية و واحدة عند المجمع .

المهم لقيت عربيات الاسعاف كتيرة و مبتقفش و بتحول مصابين كتير جدا انا دخلت الشارع اشوف ايه اللي بيحصل لقيت الامن المركزي و معاه ناس بلبس مدنى بيضربوا ...

كان الضرب بالخرطوش اللي انا اتصبت بيه و خرز و قنابل مسيلة للدموع made in u.s.a
القنابل دي مكنتش عادية زي اللي انضربت يوم 28 يناير لكن اول يوم اتضربت فيه يوم 28/6 علي اهالي الشهداء في احداث البالون و انا نزلت يوم 29 لما استفزنى المنظر بردو ...

http://www.youtube.com/watch?v=tcNFs4-Btrw

http://www.youtube.com/watch?v=Ky2j56WvDqw

http://www.january-25.org/post.aspx?k=52919

دي فيديوهات و لينك تثبت تاثير الغاز و انواعه ...

اللي حصل ان الشرطة همها كله كان ضرب الناس و الناس مكنش حد فيهم ناوي يروح عند الوزارة ده بدليل ان كل ما كانت الشرطة بتوقف ضرب المتظاهرين مكنوش بيقربوا من الوزارة مع ان اعدادهم كانت بتبقي كبيرة جدا ......
ثانيا ان شارع محمد محمود ده اخره شارع مؤدي الي وزارة الداخلية و ليس نهايته وزارة الداخلية ...
ممكن حضرتك تنزل وسط البلد و تمشي شارع محمد محمود لاخره و بعده الشارع اللي يمينك لاخره و هتلاقي وزارة الداخلية ...