لماذا تحبون ربنا...........هل ربنا فى الاسلام اصلا يتحب

[mahmoud 7]

الحقيقة انى شكيت فى دينى


وكنت عايز اغير دينى لكن معملتش الخطوة ديه.........الصراحة مش حب فى المسيحيه لكن كنت عايز اجرب وخلاص يمكن فعلا هى الدين الصحيح


وبالنسبة لاسئلتك


كلها صحيحة


دماغى فيها كوكتيل


يعنى انا لما شكيت فى الاسلام كنت عايز اجرب المسحيه وبعد كده شيلت الفكره من دماغى وبقيت مش بعبد حد وشكيت فى وجود الله اساسا

ولما ظروفى ادهورت كنت عايز ادى حد يضيع مشاكلى


حاولت ارجع لاكون مسلم او مسيحى مش هتفرق معايا


انا هدرس المسحيه كويس وهشوفها

وهدرس الشكوك والفكر بتاعى معاكوا ايضا وهشوف


المهم ادعوا ليه ممكن يكون ربنا غضبان عليه ومسود طريقى


ارجو من كل واحد يقرء الموضوع يدعى ليه بالهدايه الى الطريق الصحيح

[يوسف محمود]

أخى:
هل اطلعت على اخر رسالة خاصة بعتها لك؟؟؟؟؟؟؟؟؟

[mahmoud 7]

بالنسبه للرساله


معجزة سابع ارض او تكوين الارض من كام طبقه



هبحث عنها كويس جدا وهرد عليك

[يوسف محمود]

بالنسبه للرساله


معجزة سابع ارض او تكوين الارض من كام طبقه



هبحث عنها كويس جدا وهرد عليك

براحتك اخى الكريم:


خد وقتك


ابعت ليك تانى و الا اخش انام؟؟؟؟؟؟؟؟؟؟؟؟؟

[خادم الإسلام والمسلمين]

من الأجدر ان يوضح معتقده ليسهل الحوار معه

[mahmoud 7]

من الأجدر ان يوضح معتقده ليسهل الحوار معه

انا ولا مسلم ولا مسيحى معنديش اى ديانه او مش بؤمن بالاسلام ومش معنى انى مش مؤمن بلاسلام ادخل المسحيه


لكنى بدرسها بعض الشىء لازم دراسه وبعد كده اقرر هبقى ايه

[الكونت]

انا ولا مسلم ولا مسيحى معنديش اى ديانه او مش بؤمن بالاسلام ومش معنى انى مش مؤمن بلاسلام ادخل المسحيه

المحترم محمود تحية طيبة وبعد

يجب أن تكون واضح جداً في معتقدك لكي أستطيع أن أتحاور معك بما يناسب معتقدك

الذين فهمته من مشاركتك هو أنك تؤمن بوجود الله ولكن لا تؤمن بأي ديانة .. هل فهمي صحيح ؟

أهم حاجة الان هو تخبرنا هل تؤمن بوجود الله أو لا ؟

في الأنتظار

[Bint_MN_Masr]

سؤال باختصار

ليه احب ربنا وانا مسلم ؟


و اؤمن بالاحاديث وانتو بتقولوا انها كذب؟او بعضها كذب ....مين اللى حدد لكم انها كذب او حقيقة


الحديث الصالح ده حقيقه اما لو فيه كلام سىء يمس الاسلام يبقى غلط


ليه وانا فى مصر

بلاقى المسحين اغنى الناس واحسن ناس فى التعامل والشغل ايضا احسن شغل من المسيحى وبيبقى عنده ضمير

بيبقى فى كذا محل لنفش الشىء تلقى المسيحى زحمه جدا والباقى بيتفرج

انا بقول عشان ربنا بيحبهم


اكتر حاجه بتخلينى بتجنن


لما اخش منتدى مسيحى و اشوفهم بيحبوا ربنا بجد


اما نحن بنعبدوا عشان بنخاف من العقاب والجنه والنار


عمرى فى حياتى ما شوفت يوم كويس فى الحياة كلها زفت وهباب


وكنت زى الاهبل زمان ادعى ربنا يارب اغفرلى يارب وفقنى يارب.............................لكن عرفت فى النهايه انه مش موجد او خيال



وانا بفكر اروح اى كنيسه عندنا يمكن حالى يتصلح يمكن اشوف نفسى هناك يمكن يحلوا مشكالى اللى وانا مسلم متحلتش


انا عارف اى رد واحد فيكم ما تروح


لكن انا اقول من دافع النار اللى فيه اللى مش عارف هتوصلنى على ايه



لو كلامى فى حديه اعذورنى انا فى نار والكل فى ماء مثلج

اللي فهمته من كلامك انك مسلم او كنت مسلم لكن في جميع الحالات هقولك حاجة من كل قلبي ويارب اتمنى كلامي يلمس قلبك

مش معني انك شفت كام واحد مسيحي كويس خلاص كل المسيحيين كويسين وحالهم متيسر

ومش معني انك شفت بعينك كام محل او مشروع لشخصيات مسيحية ناجحين وان فيه مسلمين مش موفقين في حياتهم ان دة يعني ان المسيحي ربنا راضي عنه والمسلم الرب ساخط عليه وعليه الغضب او كداه

هاقولك قياسك قياس مش صح ابدا

لان الانسان مينفعش ابدا يدي حكم عام على تجربة شخصية اتكررت معاه مرة او اتنين او اكتر لان التجربة الشخصية دي حاله فردية فمينفعش ابدا ندي احكام عامه على حالات فردية وغالبها مبيكونش صح

عايزاك بس تفتح قلبك وتقف مع نفسك وقفة جادة وبلاش تسيب قلبك وعقلك للشيطان وكل روح للشر تجعلك تنسى ربك اللي خلقك لانك لو نسيته او تناسيته فكون على يقين انه هينسيك نفسك وحياتك وكل كيانك كله هايضيع وساعتها تبقى غامرت بكل شيء واللي بيغامر بكل شيء بيخسر كل حاجة

سامحني انا بعبر عن كلامي بكل بساطة اللي جوايا بقوله من غير تزويء ولا تزيين فاستحملني لاني مش هاقدر اخدعك هقولك كلمات اتمنى انك تحسها بروحك

شيطانك اوعي تسمح له يروح له مرة وتروحله نهايتك يوم ما تفتح له قلبك لحظة الضيقه

لو مخنوق من اي حاجة في الاسلام او مش فاهم اي حاجة اعرض مشكلتك وكن صادق بينك وبين نفسك في كل سؤال وعرض بتصرح بيه وصدقني ربنا هايقف معاك وهيبعت لك اللي ياخد بإيدك ويرشدك للنور الحق وارجو الله العلي انه يبعت لك هداية ونور من عنده ويطهر قلبك ويريحك ويجعلنا وأنت من اهل السعادة في الدنيا والآخرة اللهم ءاميـــن

واوعي ابدا تتخدع بالمظااااااااااااااهر لانها اغلبها خدااااااااااااااااااااااااعه ومكااااااااارة

اوعي تنخدع باللي يقولك احنا الهنا محبة واحنا دينا دين سماحة وهما اساسا بيكرهو بعض اياك تنخدع في اللي يقولك بحبك وهو من جواه بيكره رسولك والهك اللي خلقك

اوعي تنخدع في اللي يحاول يسحرك بالكلام اللذيذ وهو في الحقيقة عنده استعداد يدفع كل نقطة دم في جسمه وكيانه عشان يشكك واحد على دين الحق في دينه وايمانه


وبعدين مقسم الارزاق هو خالق الرزق وخالق الدنيا كلها يبقى هو وحده اللي يستحق نسئله ونفضفض له ونطلب منه اللي احنا عايزينه لانه هو الوحيد اللي هيفهمك ويحس بيك ويفهمك زي ما انت تقصد وعمره ما هيفهمك غلط صدقني كون صادق معاه عشان يبعت لك اللي قف جنبك ويساعدك

ياريت في كلامك الجاي ان شاء الله تكتب لنا ايه اللي مزعلك من الاسلام

ونصيحة اخيرة لا تغتر بمن وسع الله لهم الرزق واداهم كل اللي بيتمنوه لان دي مش علامه المحبة من الله العلي
شغل عقلك معايا شوية صغيرين :: مش انت او انا او اي حد فينا لما بيحب اي حد بيحب يديه الحاجة اللي هو بيحبها ؟؟؟
فا ربنا سبحانه وتعالى لو كان بيحب المال والجاه والسلطة مكنش ادى مثلا لأي انسان بيبعد الصرصار او اله من خشب او اي كافر على ضلال مكنش اداه نقطة مية يشربها او مليم يصرفه
لان ببساطة شديدة ربنا مش بيحب المظاهر دي ولا بيحب الكلام دة
ربنا بيحب الايمان والنور والهداية

عشان كدة لو انت عايز تعرف ربنا بيحب مين ومش بيحب مين شوف ربنا وضع الشخص دة فين
هل وضعه مع اهل الايمان ولا مع اهل الضلالات والبدع والخرافات
حضرتك بتقول ليه نجب ربنا ؟؟؟؟

احنا مش محتاجين اسباب عشان نحب ربنا
ومع ذلك لو عايز سبب هديك حاجة بسيطة اوي ..كفاية جدا للانسان المخلص انه يعرف ويحس انه اتخلق في اجمل صورة يأكل ويشرب وينام وعنده صحه يعمل كل حاجاته بنفسه بدون ما يكون لحد جميل عليه
وكمان ربنا لو مكنش بيحبنا وعايز لنا الهداية والنور مكنش ارسل لينا رسل وانبياء يعرفونا طريقه لنتمتع بنعيمه في العالم الاخر
لو مكنش عايز لنا الخير والصلاح مكنش اختار لنا كوكب الارض عن اي كوكب أخر نعيش فيه بدل ما كنا نسيح من حرارة الشمس او نعيش من غير جاذبيه او او او ألى أخره

لو مكنش عايز لنا الخير والصلاح مكنش هيأ لنا كل شيء على الارض من أجل خدمتنا
وإن تعدوا نعمة الله لا تحصوها

يبقى ليه منحبهوش اديني انت سبب يخلينا منحبش ربنا ونعبده ونتقرب ليه بكل مودة ومحبة صادقه ؟؟؟؟



متخليش الشيطان يلف ويدور بيك عشان يضلك ويخليك تشوف الصح غلط والغلط صح

ارجو الله ان يساعدك وياخد بإيدك للحق ويثبته في قلبك


مع السلامه

[mahmoud 7]

الزميل............Bint_MN_Masr


انا مش بقول ليك حاجة عجيبه او غريبة


انا بقولك ان الرزق عند المسيحى احسن من المسلم بكتير دية حقيقة انا شيفها بعينى ومش ممكن اغيرها لانى بشوفها كل يوم

المحترم محمود تحية طيبة وبعد

يجب أن تكون واضح جداً في معتقدك لكي أستطيع أن أتحاور معك بما يناسب معتقدك

الذين فهمته من مشاركتك هو أنك تؤمن بوجود الله ولكن لا تؤمن بأي ديانة .. هل فهمي صحيح ؟

أهم حاجة الان هو تخبرنا هل تؤمن بوجود الله أو لا ؟

في الأنتظار

انا كنت مسلم وشكيت فى الدين ومش بعبد حد دلوقتى


يعنى ممكن تقول لادينى يعنى ممكن ان اكيد فى رب لكن فين الدين الصحيح اللى هيوصلنى لربنا





يعنى عايزك تقولى لماذا الاسلام هو دين الله؟وما الدليل على ان سيدنا محمد نبى من عند الله؟

[يوسف محمود]

سورة النساء 56 :

النساء (آية:56): ان الذين كفروا باياتنا سوف نصليهم نارا كلما نضجت جلودهم بدلناهم جلودا غيرهاليذوقوا العذاب ان الله كان عزيزا حكيما ( ملحوظة: اللام فى ليذوقوا:.. لام التعليل)
########
الاية قالت (جلودهم) وليس (أجسادهم) مع انه فى هذا الزمان كان قد يفهم من كلمة أجسادهم معنى اشد فى العذاب
حيث ان التصور البسيط يخيل ان احتراق العضو كاملا)( أكثر فى الألم من إحتراق أقل سمكا مثل الجلد
لكن لان مستقبلات الحرارة لا توجد سوى بالجلد (الاحساس السطحى)
جاء القران بالتعبير الادق والاعظم
OFF COURSE YOU KNOW THAT THE RECEPTOR OF SUPERFICIAL SENSATION ( PAIN &TOUCH &TEMPERATURE)
ARE PRESENT IN THE SKIN

حتى ان حروق الدرجة الثانية هى شديدة الالم
و حروق الدرجة الرابعة حيث تحترق اللحم و العظم...............غير مؤلمة,,,,اى ان الالم ينتهى بمجرد احتراق الجلد!!!!!!!!!!!
فكيف عرف ذلك رسول الله صلى الله عليه وسلم قبل ألف و اربعمئة سنة دون معرفة علم التشريح و هو امي لا يعرف القراءة ولا الكتابة؟؟؟

http://ar.wikipedia.org/wiki/%D8%AD%...D8%A8%D8%A9%29




حرق من الدرجة الثالثة الطبقة تحت الجلدية و قد يصل إلى العظم و العضلات تصلب الجلد، تغير لون الجلد إلى الأسود، فقدان الإحساس

http://en.wikipedia.org/wiki/Burn

Subdermal Fifth degree Complete destruction of Epidermis, Dermis, Subcutaneous fat, and underlying tissue and possibly fascia, bone, or muscle Hard, leather-like eschar, purple fluid, no sensation insensate

حيث نلاحظ أن وصول الحرق إلى الطبقة التحت جلدية يؤدي إلىفقدان الإحساس
ولذلك فإن الله يبدل جلود الظالمين حتى يذوقوا العذاب بما كانوا يكذبون

################
ايه رأيك يا استاذ محمود؟؟؟؟؟؟؟؟؟؟

[محمد عادل]

السلام عليكم ورحمة الله وبركاته


قال رسول الله صلى الله عليه وسلم
إن الله لا ينظر إلى أجسامكم ، ولا إلى صوركم ، ولكن ينظر إلى قلوبكم وأعمالكم

هذا الحديث يدل على قول
الله تعالى:يا أيها الناس إنا خلقناكم من ذكر وأنثى وجعلناكم شعوباً وقبائل لتعارفوا إن أكرمكم عند الله أتقاكم

فالله سبحانه وتعالى لا ينظر إلى العباد لأجسامهم هل هي كبيرة أو صغيرة أو صحيحة أو سقيمة ولا ينظر إلى الصور هل هي جميلة أو ذميمة .
كل هذا ليس بشيء عند الله ، وكذلك لا ينظر إلى الأنساب هل هي رفيعة أو دنيئة ، ولا ينظر إلى الأموال ولا ينظر إلى شيء من هذا أبداً .

ليس بين الله وبين خلقه صلة إلا بالتقوى ، فمن كان لله أتقى كان من الله أقرب وكان عند الله أكرم
إذن لا تفخر بمالك ولا بجمالك ولا ببدنك ولا بأولادك ولا بقصورك ولا بسيارتك ولا بشيء من هذه الدنيا أبداً ،
إنما إذا وفقك الله للتقوى فهذا من فضل الله عليك فاحمد الله عليه . واعلم أن الأعمال بالنيات ،
كم من إنسان ظاهر عمله أنه صحيح وجيد وصالح
لكن النية هي الأصل ،


تجد رجلين يصليان في صف واحد مقتدين بإمام واحد يكون بين صلاتيهما كما بين المشرق والمغرب ، لأن القلب مختلف أحدهما قلبه غافل ، وربما يكون مرائياً في صلاته والعياذ بالله يريد بها الدنيا
و الآخر قلبه يريد بصلاته وجه الله واتباع سنة رسول الله صلى الله عليه وسلم . فبينهما فرق عظيم ، ،

وعلى ما في القلب يكون الجزاء يوم القيامة
كما قال سبحانه:إنه على رجعه لقادر ، يوم تبلى السرائرأي تختبر السرائر لا الظواهر في الدنيا

الحكم بين الناس على الظاهر نسأل الله أن يطهر سرائرنا وإياكم .
فإذا كانت السريرة جيدة صحيحة فأبشر بالخير وإن كانت الأخرى فقدت الخير كله
وقال الله عز وجل :أفلا يعلم إذا بعثر ما في القبور ، وحصل ما في الصدور
فالعلم على ما في القلب .



فالواجب على الإنسان أن يصلح نيته ، يصلح قلبه ، ينظر ما في قلبه من الشك فيزيله إلى اليقين
قال الله عز وجل: إن في خلق السماوات والأرض واختلاف الليل والنهار لآيات لأولي الألباب

وقال:إن في السماوات والأرض لآيات للمؤمنين ،.


إذا ألقى الشيطان في قلبك الشك فانظر في آيات الله ،
انظر إلى هذا الكون من يدبره ، انظر كيف تتغير الأحوال كيف يداول الله الأيام بين الناس
حتى تعلم أن لهذا الكون مدبراً حكيماً
طهر قلبك من الشرك
بأن تقول لنفسك إن الناس لا ينفعوني إن عصيت الله ولا ينقذوني من العقاب
فالذي يجلب الثواب ويدفع العقاب هو الله ،
إذا كان الأمر كذلك فلماذا تشرك بالله عز وجل ، لماذا تنوي بعبادتك أن تتقرب إلى المخلوق
والبعد عن الله، لأن الله إذا رضي عنك أرضى الناس عليك وإذا سخط عليك أسخط عليك الناس
نعوذ بالله من سخطه ومن عقابه


أسأل الله أن يطهر قلبي وقلوبكم وأن يجعلنا له مخلصين ولرسوله متبعين

[محمد عادل]

قد ينخدع كثير من الناس ببريق الثراء عند الكافرين
وقد يتمنى بعض الناس أن يصبحوا مثلهم
والغنى والفقر ليس معيار الأفضلية فالكل سواء أمام العدالة الألهية
لا فرق بين أبيض وأسود لافرق بين عربي وأعجمي
لا فرق بين غني وفقير . لا فرق بين المناصب
إن أكرمكم عند الله أتقاكم
والكل يحاسب من أين اكتسب المال ؟ وفيما أنفقه ؟؟
ولكن معيار الأفضلية هنا- وفي الصورة التي سوف تظهر لنا – بين الكفر والأيمان.

و مع هذه الصورة الحية لكلا الفريقين

لاَ يَغُرَّنَّكَ تَقَلُّبُ الَّذِينَ كَفَرُواْ فِي الْبِلاَدِ -196
مَتَاعٌ قَلِيلٌ ثُمَّ مَأْوَاهُمْ جَهَنَّمُ وَبِئْسَ الْمِهَادُ -197

لَكِنِ الَّذِينَ اتَّقَوْاْ رَبَّهُمْ لَهُمْ جَنَّاتٌ تَجْرِي مِن تَحْتِهَا الأَنْهَارُ
خَالِدِينَ فِيهَا نُزُلاً مِّنْ عِندِ اللّهِ وَمَا عِندَ اللّهِ خَيْرٌ لِّلأَبْرَارِ - 198

[mahmoud 7]

بالنسبة لمعجزة الاحساس فى الجلد


فعلا صحيحه


انا شوفت شوية كلام عليها لكن مدخلش عقلى


لكن فى حاجه انا عندى معلومه انوا زمان العرب كانوا يعرفوا هذا لانهم كان اى الم فى اى حته فى الجسم كانوا بيحطوا نار مكان الالم لازالته.....معلش لو الكلام مش مفهوم شويه

بس ديه معلومة قديمه اوى عندى



لكن فعلا انا اتاكد ان الاحساس فى الجلد




اما محمد عادل اقول له مختصر كلامه



انا بقول لك عمرى ماشوفت حد مسيحى الا وكان رزقه واسع واحنا المسلمين افقر الناس

[abcdef_475]

بسم الله الرحمن الرحيم
السلام عليكم ورحمة الله وبركاته

قرأت الحوار كله حتى الان

لب المشكلة هو

من اكبر اسباب خلافى مع امى او اختى هو الفقر مفيش فلوس ومفيش شغل وغير كده بدفع 400 جنيه كل شهر لواحد


اجبهم منين وانا حالى زفت مفيش ولا ملين معايا ومفيش شغل عندنا خالص

وبعدين مش انا اللى واضع الوضع ده انا كان نفسى ابقى غنى الاغنياء كلها لكن اعمل ايه فقير و محتاج فلوس

يعني لو في فلوس هتكون الامور معتدلة وتسير على ما يرام وتزول المشكلة الحقيقة

والاخ ماشاء الله يبدو انه يتمتع بصحة جيدة

هتعرف تسد معايا كان غيرك اشطر

ومن فرط هذه القوة والقلب الذي يتحمل كامل الصعاب يقوم بضرب امه واخته

هل أمك وأختك ليست لديهم كرامة وعزة وشرف لكي تتطاول عليهم وتُهينهم وتضربهم .. ألخ

وهو معذور لا حول ولا قوة الا بالله ، لا مصدر دخله الوحيد هو " ذراعه " الذي يمده على امه واخته السيدات الفضليات

امى واختى هما الوحدين اللى ممكن يجيبوا فلوس ليه ولو معملتش معاهم كده مش هاخد حاجه

فنتيجة نهائية هو وضع مساومة مع الله

اما ان تهمر علي دخل شهري ثابت اعيش منه ملك

او اني اشك في وجودك

مع ملاحظة الضيف عنده صحة " يجر قطار " ومع ذلك لم يحاول ان يعمل حتى ولو في حمل " الطوب والرمل " وفضل ان يهين امه واخته على ان لا يهين نفسه في عمل شريف

ملاحظة :

لي احد اصدقائي وهو في منزلة اخي والده متوفى ولم يكن صاحب دخل شهري ثابت

مسؤول عن ام وبنتين و اخ صغير

بعد وفاة والده قال لي :

اشرفلي اني اكسب في اليوم اتنين جنيه من شغل العتالة ولا ان امي واخواتي يتبدهلو او اني امد ايدي للناس

هذا الرجل عمل في سوبر ماركت ، وفي محطة بنزين ، وفي محل للملابس

والان عنده اربع محلات ملابس ويعيش مع اهله في مستوى اجتماعي راقي الحمد لله

فليقارن الجميع

[يوسف محمود]

يا اخى abcdef_475:

الراجل راسلنا على الخاص و قال لنه بأمر الله لن يعود الى ذلك