لماذا تحبون ربنا...........هل ربنا فى الاسلام اصلا يتحب

[mahmoud 7]

سؤال باختصار

ليه احب ربنا وانا مسلم ؟


و اؤمن بالاحاديث وانتو بتقولوا انها كذب؟او بعضها كذب ....مين اللى حدد لكم انها كذب او حقيقة


الحديث الصالح ده حقيقه اما لو فيه كلام سىء يمس الاسلام يبقى غلط


ليه وانا فى مصر

بلاقى المسحين اغنى الناس واحسن ناس فى التعامل والشغل ايضا احسن شغل من المسيحى وبيبقى عنده ضمير

بيبقى فى كذا محل لنفش الشىء تلقى المسيحى زحمه جدا والباقى بيتفرج

انا بقول عشان ربنا بيحبهم


اكتر حاجه بتخلينى بتجنن


لما اخش منتدى مسيحى و اشوفهم بيحبوا ربنا بجد


اما نحن بنعبدوا عشان بنخاف من العقاب والجنه والنار


عمرى فى حياتى ما شوفت يوم كويس فى الحياة كلها زفت وهباب


وكنت زى الاهبل زمان ادعى ربنا يارب اغفرلى يارب وفقنى يارب.............................لكن عرفت فى النهايه انه مش موجد او خيال



وانا بفكر اروح اى كنيسه عندنا يمكن حالى يتصلح يمكن اشوف نفسى هناك يمكن يحلوا مشكالى اللى وانا مسلم متحلتش


انا عارف اى رد واحد فيكم ما تروح


لكن انا اقول من دافع النار اللى فيه اللى مش عارف هتوصلنى على ايه



لو كلامى فى حديه اعذورنى انا فى نار والكل فى ماء مثلج

[الكونت]

أهلاً بكَ الفاضل محمود وشكراً لك على حسن تعاونكم معنا مره أخرى

لنبدأ النقاش في أمراً مهم جداً

لو كنا أنا وأنت نتناقش وجهاً لوجه وأنا أجيب عليك بالأهانات والتطاول ويمكن تصل الى الضرب .. هل ستقبل ذلك مني ؟

في الأنتظار

[mahmoud 7]

هتعرف تسد معايا كان غيرك اشطر



وردا على السؤال لاء طبعا لا اقبل الاهانه من قريب ولا من بعيد

[الكونت]

هتعرف تسد معايا كان غيرك اشطر



وردا على السؤال لاء طبعا لا اقبل الاهانه من قريب ولا من بعيد

في رسالتي الخاصه لك قد أخبرتك بأن تتكلم معنا بكل هدوء بدون عصبية فأنت تتكلم مع أشخاص محترمين لهم وزنهم وقيمتهم وأنت في منتدى محترم هادف

والنار التي تحس بها في قلبك ليست كفيله بأعطائك تصريح أن تتكلم مع الناس بأسلوب لا يرضاه أحد

فمن فضلك نتمنى أن يكون التناقش بيننا مبني على الهدوء والأحترام

وردا على السؤال لاء طبعا لا اقبل الاهانه من قريب ولا من بعيد

ممتاز

لا يقبل أي أنسان لديه كرامه وعزه بأن يتطاول عليه أحد ويُهينه .. ألخ

فالسؤال هو :

هل أمك وأختك ليست لديهم كرامة وعزة وشرف لكي تتطاول عليهم وتُهينهم وتضربهم .. ألخ

في الأنتظار

[mahmoud 7]

اول حاجه موضوع اختى وامى حاجه شخصيه جدا لا اسمح فى التكلم فيها ابدا ........فهذا موضوع مغلق تماما......مش هتكلم فيه


وعلى موضوع طريقة كلامى


لو انا مش عارف انكم ناس محترمين مكنتش دخلت المنتدى اساسا


وعشان تعرف احترامى ليك ..انا هتكلم فى موضوع امى واختى


من اكبر اسباب خلافى مع امى او اختى هو الفقر مفيش فلوس ومفيش شغل وغير كده بدفع 400 جنيه كل شهر لواحد


اجبهم منين وانا حالى زفت مفيش ولا ملين معايا ومفيش شغل عندنا خالص

وبعدين مش انا اللى واضع الوضع ده انا كان نفسى ابقى غنى الاغنياء كلها لكن اعمل ايه فقير و محتاج فلوس


عرفت السبب اى واحد كان فى وضعى كان عمل كده


امى واختى هما الوحدين اللى ممكن يجيبوا فلوس ليه ولو معملتش معاهم كده مش هاخد حاجه

[يوسف محمود]

متابع.......

[الكونت]

أهلاً بك مره أخرى

في البداية أحب أن أشكرك على الأسلوب المحترم في الحديث معنا في مشاركتك السابقة بارك الله فيك ونسأل الله لك الهداية

اول حاجه موضوع اختى وامى حاجه شخصيه جدا لا اسمح فى التكلم فيها ابدا ........فهذا موضوع مغلق تماما......مش هتكلم فيه

نحن لا نتكلم أبداً في الأمور الشخصية والمنتدى ليس مخصص لهذه المشاكل الأجتماعية ولكن بطلب من أختك التي هي أختي أيضاً قبلت بذلك

من اكبر اسباب خلافى مع امى او اختى هو الفقر مفيش فلوس ومفيش شغل وغير كده بدفع 400 جنيه كل شهر لواحد


اجبهم منين وانا حالى زفت مفيش ولا ملين معايا ومفيش شغل عندنا خالص

أولاً : أتمنى أن تُجيب على سؤالي السابق وهو

هل أمك وأختك ليست لديهم كرامة وعزة وشرف لكي تتطاول عليهم وتُهينهم وتضربهم .. ألخ

وهل هو جزاء هذه الأم التي تعبت من أجلك وسهرت من أجلك وتألمت من أجلك والله يعلم ما فعلت لك لكي تصبح رجل ذو كرامة ذو مكانة ذو قيمة أمام جميع الناس والله يعلم كم بكت من أجلك .. ألخ

هل جزاء هذه الأم هي الإساءة ؟

عندما مدير أو رئيس يُقدر مجهودك مثلاً ويقيمك بأحسن تقيم ويساعدك بقدر ما يستطيع لكي تتطور نفسك وتصل ال مرحلة ما هل ترد جميلة بالأساءه أليه ؟ بالطبع لا فما بالك بأمك التي هي أعظم من أي مدير ؟

من اكبر اسباب خلافى مع امى او اختى هو الفقر مفيش فلوس ومفيش شغل وغير كده بدفع 400 جنيه كل شهر لواحد


اجبهم منين وانا حالى زفت مفيش ولا ملين معايا ومفيش شغل عندنا خالص

أولاً :الفقر ليس مكتوب عليك أنت فقط يا أخي هناك من أشد منك فقراً

ثانياً : هل أمك وأختك هم سبب الفقر ؟ أو نصيبك وقدرك أن تكون فقيراً وما أدارك لعل مع الزمن تصبح غنياً ؟

ثالثاً : ما ذنب أمك وأختك أن لم يكن القدر بين يديهم ولو كان بين أيديهم لأصبحواً أغنياء كما تُريد


ما تفعله بالطبع ليس صواباً فهم لديهم كرامة وعزة وقيمة وقدر مثلك تماماً فأنت لا ترضى أن يتطاول عليك أحداً فكيف تقبلها على أهلك ؟ وهم ليس بيدهم القدر لكي تصبح غنياً فما ذنبهم

وأنت قلت بنفسك ليس أنت من وضع هذه الحالة ... وهم أيضاً لم يضعوا على أنفسهم هذا الفقر فما ذنبهم لكي تتطاول عليهم ؟

عرفت السبب اى واحد كان فى وضعى كان عمل كده

خطأ .. لا ترى الناس بعين طبعك فهناك من أشد فقراً منك ولكن لا يتطاولون على أهاليهم


فهل أنا مُصيب فيما قلت أو أنا مخطأ يا صديقي محمود ؟

في الأنتظار

[mahmoud 7]

انا معاك فعلا انه غلط

بس غلط لابد منه

انا سعات بطلب فلوس بالادب لكن مش باخد حاجه الا بهذه الطريقه

وانا بعد لما بعمل كده ببقى مخنوق جدا لان امى واختى بيصعبوا عليه وعارف ان مخلى حياتهم هم


بس الظروف وضعت هذا


والموضوع مش ذنبى ولا ذنبهم



انا لو عليه اعيشهم فى قصر


للاسف انت بتقول فى ناس افقر منك وعايشن كويس صح



فعلا كلامك صحيح



بس فى حد فى الدنيا عنده هذه المشاكل


1_انسان معندوش دين لما يكون فى ضيق ميعرفش يدعى ربنا و ميعرفش يرتاح فى همه قبل ان ياتى الشك الى قلبى كنت لما يبقى عندى مشكله اصلى وبعد كده لو فى حرب ولا يهمنى كان عندى راحه نفسيه

معنديش حظ فى كل شىء معنديش شغل نفسى اشتغل ومش عارف


صدقنى اللى بيصبر الانسان على الفقر بتاعه هو الايمان بالله لكن انا معنديش اى شىء ولا ايمان ولا فلوس ولا شغل انسان ملهوش لازمة



ياريت امورى تتصلح وبدل لما اتخانق مع امى على الفلوس اديها انا


انا فعلا بحب امى من كل قلبى لكن للاسف الظروف اللى انا فيها وعدم ايمانى ضمروا حياتى كلها

[يوسف محمود]

إحمد ربنا انك بصحتك:

و احد زميل (الرافعى) مشرف بالبشارة..............مات ((بالكبد) و هو عندةه 19 سنة بس!!!!!!!!!

تخيل:

فى السن ده و جاله استسقاء!!!!


الهم مفرق!!!!!!!!!

و فى حالات تانية انا مكسوف اكتبها لاننا فى منتدى دعوى


موفق اخى محمود

[يوسف محمود]

صدقنى اللى بيصبر الانسان على الفقر بتاعه هو الايمان بالله لكن انا معنديش اى شىء ولا ايمان ولا فلوس ولا شغل انسان ملهوش لازمة

أخى:

انا معنديش اى شىء ولا ايمان و

انت لست كذلك!!!

تعرف ليه؟؟؟

لو انت معندكش ايمان خالص مكنتش دخلت منتديات دينية او حتى منتدانا دة (الفرقان)............كان فى الف حاجة و حاجة تاخد وقتك زى الفيس بوك و غيرها كتييييييييييير


فانك تيجى لحد هنا:
ده معناه ان الدين و ربنا جزء فى تركيبتك انت مش قادر تهرب مها:

و ده معناه ان عندك دين:


و انك اصلا تبقى عارف ان:

اللى ب

يصبر الانسان على الفقر بتاعه هو الايمان بالله

ده معناه انك عندك دين:

بس محتاج لتصحيح مفاهيم:

ملحوظة:

مفيش مجاملات فى العقيدة!!!!!

[الكونت]

أنا سوف أخرج الان وأن شاء الله نكمل حديثنا غداً

أسال الله لك الهداية والثبات

[خادم الإسلام والمسلمين]

لو انت معندكش ايمان خالص مكنتش دخلت منتديات دينية او حتى منتدانا دة (الفرقان)............كان فى الف حاجة و حاجة تاخد وقتك زى الفيس بوك و غيرها كتييييييييييير

صدقت اخي . الأمر لا بد ان يكون فيه إنّ

[الكونت]

أهلاً بك صديقي مره أخرى

في البداية أعتذر عن التأخير لأنشغالي بأمراً ما خارج المنتدى

انا معاك فعلا انه غلط

وانا بعد لما بعمل كده ببقى مخنوق جدا لان امى واختى بيصعبوا عليه وعارف ان مخلى حياتهم هم

ممتاز يا صديقي فهو أمراً خاطىء بلا شك وأعترافك بهذا يدل على أنك إنسان ذو عقل وتعرف الصحيح من الخطأ وشعورك بالذنب بعد الإساءة لهم يدل على حبك لهم ويدل على أنك لا تُريد فعل هذا الأمر السيء

بس غلط لابد منه

انا سعات بطلب فلوس بالادب لكن مش باخد حاجه الا بهذه الطريقه

أنت إنسان عاقل يا صديقي محمود وليس هناك عاقل يعترف بالخطأ ويستمر به .. صحيح أن الإنسان يخطأ ولكن لا يستمر بل يتعلم منه

والمال الذي تأخذه بالقوة أولاً هذا المال ليس من حقك فهل أنت ترضى أن نأخذ مالك بالقوة ؟ بالطبع لا فكيف تُريد أن تأخذ مال ليس ملكك بالقوة ؟

ومن ثم كيف تستخدم هذا المال الذي هو ليس ملكك .. أليس هذا المال محرم عليك ؟ فكيف تنفق على نفسك من مال - حرام - ؟

فأتمنى يا صديقي أن تتوقف عن فعل هذا الأمر السيء

انا لو عليه اعيشهم فى قصر

وهم لو عليهم لأعيشوك في قصور وليس في قصر فمثل ما ترى أنك غير قادر على فعل شيء فهم إيضاً غير قادرين على فعل شيء فلماذا تكلفهم بأكبر من طاقتهم ؟

1_انسان معندوش دين لما يكون فى ضيق ميعرفش يدعى ربنا و ميعرفش يرتاح فى همه

أنظر الى كلامك التالي

قبل ان ياتى الشك الى قلبى كنت لما يبقى عندى مشكله اصلى وبعد كده لو فى حرب ولا يهمنى كان عندى راحه نفسيه

أرايت الفرق .. ياترى لماذا ؟

معنديش حظ فى كل شىء معنديش شغل نفسى اشتغل ومش عارف

هل تظن أنك الوحيد يا صديقي ؟ صدقني هنا المئات والاولف مثلك وأشد منك .. أفتح موقع جوجل وأنظر الى حال أفريقا

لماذا نذهب بعيد . أليس هناك مشردين في دولتك لا بيت لا طعام ولا شراب يأكلون من القمامة فهل هم أشد منك حاجه أو أنت ؟ أنظر يا صديقي وأعتبر

ياريت امورى تتصلح وبدل لما اتخانق مع امى على الفلوس اديها انا


انا فعلا بحب امى من كل قلبى لكن للاسف الظروف اللى انا فيها وعدم ايمانى ضمروا حياتى كلها

والله كلام جميل جداً يا صديقي

شوف يا صديقي نحن نُريد أن ننتهي من هذه المسألة لكي نتناقش في العقيدة بعدها

المطلوب منك شيء بسيط جداً وأنت تُريد أن تفعله من كل قلبك

المطلوب أن تفتح صفحة جديده مع أمك وأختك وتتعهد لهم أن لا تُسىء أليهم مهما كانت الظروف ولا تتطاول عليهم .. ألخ

وتحسسهم بالحب والحنان والمودة والأهتمام .. ألخ

ألم تفكر يا صديقي من لهم بعد الله ؟ أليس أنت رجل البيت وأخيهم والظهر الي يستندوا عليه ؟ فلو كانت العلاقة بهذه الإساءة ألم تفكر أنهم سيكونوا بلا رجل يحميهم ؟ هل تُريد أن تضع أهلك في خطر .الله يعلم مدى خطورته ؟

ألم تفكر بعد ما تخسرهم أنك ستكون وحيد في الدنيا لا يحبك أحد ولا يريدك أحد .. ألخ

ألم تفكر لو خسروك ماذا سيكون مصيريهم .. ألخ

أريد منك المشاركة التاليه أن تتفق معي وتقول بأذن الله سوف أفتح صفحة جديدة معهم مليئة بالأهتمام والمودة والحب وعدم الإساءة أليهم مهما كانت الظروف

والرزق والمال ليس لهم سلطان لكي يجلبوه لأن الله هو الرزاق وأمك وأختك لا يأتوا لك برزق لم يكتب الله لهم مهما فعلوا ومهما فعلت

فالخيار بين يديك يا صديقي أما أن تعيش في هم طوال حياتك مع أهلك وتخسرهم ويخسرونك

وأما أن تعيشوا بأجمل حياة حتى لو لا يوجود لديكم درهماً واحداً

في الأنتظار

[الكونت]

ملاحظة : تم التواصل عل الخاص مع العضو محمود وأنهينا مسألة الإساءة مع أهله ونسأل الله له الهداية

وندخل الان في العقيدة

ونطرح بعض الإستفسارات وهم :

هل أنت أصبحت لا تؤمن بوجود الله ؟

هل أنت تؤمن بوجود الله ولكن لا تؤمن بالديانه ؟

هل تؤمن بوجود الله والديانة وترى أن العقيدة المسيحية هي عقيدة صحيحة والإسلام العظيم ليس رسالة من الله ؟

أتمنى يا صديقي أن تحدد معتقدتك بكل وضوح

في الأنتظار

[يوسف محمود]

متابع.................