أتأخرت عليكم ؟!

[مجاهد في الله]

السلام عليكم ورحمة الله وبركاته

الحمد لله رب العالمين بعد تجنيد دام طويلا كالسنين العديدة تحت الشمس وفي ذل الميري


عـــــــــــــــــــــــــــــــــــــد نـــــــــــــــــــــــــــــــــــــــا

والحمد لله رب العالمين

[ابن عفان]

يخرب بيت القومسيون الطبي

هو السبب

[ابن عفان]

مرحب بعودة الحبيب مجاهد

وإن شاء الله تكون أخر غيبة

[مجاهد في الله]

أخى الحبيب بن عفان واحشني والله

بس اللي يقولك الجيش وحش بيضحك عليك
أوعى تصدقه

عملوا معانا الواجب
سحلونا
بقيت أسود فحمة
وعندي برد وصداع وكحة وحرارتي مرتفعه

الجيش كميل يا جدعان

[ابن عفان]

بس اللي يقولك الجيش وحش بيضحك عليك

ايوم يا عم

ما انت خلاص خرجت

عملوا معانا الواجب
سحلونا
بقيت أسود فحمة
وعندي برد وصداع وكحة وحرارتي مرتفعه

ما أكلتش تعابين وسحالي

[مجاهد في الله]

ما أكلتش تعابين وسحالي

كلت أكل كميل
أكل العساكر روعة ........ عينات عالية الجودة من الأرز مع طبخة سودا لا يعرف طابخها ماهيتها
مع العدس عالي الجودة الذي لم أذق ولن أذق مثله مطلقا مساءا
وفي الصباح فول عجيب جدا مع معلقة واحدة فقط لا غير مربى

صراحة أكل وأكلونا وشرب وشربونا ولبس ولبسونا بردعة سونا لكل عسكري وطوابير ووقفونا وشمسونا والمية قاطعة والعنابر يوجد بها مراوح زينة لا تعمل
والكافتريا لا يوجد بها إلا شيبسي وبسكوت وعصير وبيبسي .. حاجة فل !

صراحة دلعونا أحلي دلع

لو لم أكن جنديا لوددت أن أكون جنديا

[قسورة]

حمداً لله على السلامة

يا راجل في حد جيشه ييجي في عز الحر

عامل إيه في مركز التدريب

[مجاهد في الله]

أهلا بالأخ الحبيب قسورة

يا راجل في حد جيشه ييجي في عز الحر

قولهم

عامل إيه في مركز التدريب

فين تروح الشمس من قفا المجند

[جمال البليدي]

مرحبا بعودتك أخي الحبيب المجاهد في الله بالطبع أنت لا تعرفني انا ذلك الشاب المزعج الذي كلمك على الياهو هل تذكرتني؟
على كل حال الحمد لله على السلامة
وشكرا على ستضافتك لي في هذا المنتدى الرائع وجزاك الله خيرا

[مجاهد في الله]

أخي الحبيب الحق المبين وفقك الله إلى ما يحبه ويرضاه

مرحبا بعودتك أخي الحبيب المجاهد في الله بالطبع أنت لا تعرفني انا ذلك الشاب المزعج الذي كلمك على الياهو هل تذكرتني؟

وأنا لم أنزعج منك أبدا أخي الحبيب وطبعا لا أنساك

ولا يوجد هنا ضيوف ... منتدى الفرقان بيتنا جميعا
أهلا بك في منتدى الفرقان

[nura]

الحمد لله على سلامتك و عودتك أخي المجاهد بالله
نورت المنتدى

ووقفونا وشمسونا والمية قاطعة والعنابر يوجد بها مراوح زينة لا تعمل

عملوا معانا الواجب
سحلونا بقيت أسود فحمة

أضحكتني أضحك الله سنك
يوجد مراوح زينة لا تعمل
المهم انك عدت الينا سالمة أخي المجاهد بالله

[A7mad]

كفارة يا مجاهد

ايه اخبار السبعه الميري؟ وقفت خدمات ولا لسه؟

هييييييه....كانت خدمه عذاب بصراحه وابشرك بان اللي جاي انيل

[مجاهد في الله]

الأخت نورا جزاكي الله كل خير
إلا صحيح هم بتوع مساواة الرجل بالمرأة ليه مبيطالبوش بالتجنيد الإجباري للنساء كنوع من المساواة ؟!
إشمعنه دي مش عايزين مساواة ؟!


الأخ احمد
هي إيه السبعة الميري دي ؟!

الطبخة السودا واحدة منهم ؟!

[A7mad]

لا دي السبعه اللي الشمس بترسمها على صدرك مكان ما السترة المموهه بتبقى مفتوحه

هي الطبخه السوده لسه عايشه...انا فاكر اني عملت مره بحث مطول لاثبات انها باميه بس البحث قوبل برفض شديد والناس مصممه انها يا كوسه يا مسقعه

[مجاهد في الله]

هي الطبخه السوده لسه عايشه...انا فاكر اني عملت مره بحث مطول لاثبات انها باميه بس البحث قوبل برفض شديد والناس مصممه انها يا كوسه يا مسقعه

والله مرة جابولنا حاجة حمرا كان أول يوم ليه هناك ..معجبتنيش ..بس بعد الطبخة السودا لقيت إن الطبخة الحمرا دي حلوة جدا
ولما جتلنا تاني سألت الواد اللي في الميس عن ماهية الطبخة الحمرا قلتله هي عبارة عن إيه راح باصص لها كده وقالي معرفش
أنا أرجح أنا جزر مبشور ومسلوق

سيبك أنا بعد ما كلت ملوخية الجيش عرفت المذاق الأصلي للملوخية
فلم أذق ولن أذق مثلها قط

لا دي السبعه اللي الشمس بترسمها على صدرك مكان ما السترة المموهه بتبقى مفتوحه

دول إسبوعين كل يوم 10 ساعات شمس في شهر 7 فالسبعة الميري طبعا واضحة لأنه شهر 7 فرق بين البني المحروف والأبيض

فكرتني سمعنا قدرا في الراديو أن وزير الصحة يحذر المواطنين من التعرض للشمس لأن مصر تتعرض لأشعة فوق بنفسجية
واحد زميلنا قال للصول ...الصول قال أن وزير الصحة ملوش حكم علينا وإحنا أعلى منه وبطلوا دلع .... ولما أنا فهمت واحد صول محترم قلتله دي بتجيب سرطان جلد وعين ورصتهمله راح بالع ريقه وراح للعميد وقاله قام العميد أمر أن تكون التدريبات تحت المظلات

أنا والله لسه لغاية دلوقت معرفش المظلات جنبنا وبيوقفونا في الشمس ليه مش عارف ؟؟!

لكن صراحة إتعلمت كتير من التجربة دي رغم صعابها !
تجربة مفيدة رغم مرارتها