رنة تليفون..مش وقتها خااالص

[سمسومه]

السلام عليكم ورحمة الله وبركاته

اخواننا في ليبيا الشقيقة حياكم الله وثبت خطاكم للخير وصالح البلاد
أسأل الله أن يعيد الي أوطاننا جميعاً الأمن والأمان . اللهم آمين

سامحونا .............. رنة التليفون دي مش مكانها ولا وقتها خااالص !
مع احترامي للشيخ ... بس هو اللي جابه لنفسه
http://www.youtube.com/watch?v=9MtAYm_sXng&feature=related

[abcdef_475]

بسم الله الرحمن الرحيم
السلام عليكم ورحمة الله وبركاته

جزاكم الله خيرا يا اختنا

ولكن واضح جدا جدا جدا ان الفيديو مركب به الاغنية على الصورة

ومن قام بعمل المونتاج للفيديو كما هو ظاهر شخص مازال مبتديء لم يحسن حتى تركيب الصوت على الصورة

[سمسومه]

السلام عليكم ورحمة الله وبركاته

وعليكم السلام ورحمة الله وبركاته

جزاكم الله خيرا يا اختنا

وإياكم

واضح جدا جدا جدا ان الفيديو مركب به الاغنية على الصورة

صحيح؟؟ اذن واجب الاعتذار ولكن الكتابة باللون الأحمر عادي ولا الهدف منها التحذير مثلاً؟؟
ع العموم شكراً علي مروركم الكريم وحياكم الله.

[خادم الإسلام والمسلمين]

الهدف منها استرعاء الإنتباه

والله اعلم

[سمسومه]

الهدف منها استرعاء الإنتباه

والله اعلم

فعلاً؟؟
قصدك كارت ارهاب ؟
مش محتاجة ،كفاية التوقيع دا كارت ارهاب لوحده

[abcdef_475]

بسم الله الرحمن الرحيم
السلام عليكم ورحمة الله وبركاته

شكرا على اهتمامك يا اخت سمسومة وعلى تعليقك

صحيح؟؟ اذن واجب الاعتذار ولكن الكتابة باللون الأحمر عادي ولا الهدف منها التحذير مثلاً؟؟
ع العموم شكراً علي مروركم الكريم وحياكم الله.

موضوع الاعتذار انا مليش سلطة اني اتكلم فيه ، والفيديو خادع بصراحة وفي حتى صحف اتكلمت عن الموضوع دا

اما عن الكتابة باللون الاحمر انا كنت كتبت بنفس اللون في موضوع مناظرة وان مع ابو المكارم لمراعاة الانتباه كما قال عاشق الجنان وكنت اريد تظليل به فقرة المونتاج فقط ولكن حصل عندي لبس ولخبطة خصوصا وانا كنت استخدم وقتها متصفح الاوبرا وانا غير متعود عليه وعلى طول باستخدم فايرفوكس فالخط كبير وطلع اللون احمر بكل الكلام ورجعته للخط اللي بكتب فيه دائما 5 times new roman

وحضرتك مش عملتي شيء يستوجب التحذير لا سمح الله عشان احذر او اعمل كارت ارهاب

المنتدي ملك لكم جميعا وانا مجرد موظف عندكم اخدمكم في المنتدى على قدر استطاعتي ولا اقدم تحذير لكم او شيء لا سمح الله

[سمسومه]

المنتدي ملك لكم جميعا وانا مجرد موظف عندكم اخدمكم في المنتدى على قدر استطاعتي ولا اقدم تحذير لكم او شيء لا سمح الله

حقاً هذا عهد ما بعد الثورة
ولكن يبقي شعار

الشعب يريد تغيير التوقيع

فمع كل الاحترام والتقدير هذا التوقيع لا يتناسب مع اسم خادم رسول الله

[abcdef_475]

بسم الله الرحمن الرحيم
السلام عليكم ورحمة الله وبركاته

حقاً هذا عهد ما بعد الثورة

طيب هل حضرتك رايتي اني في يوم من الايام استخدمت المنتدى على اساس انه منتدي شخصي لي وتصرفت فيه ومع من فيه كتصرف مالك في شيء يملكه ؟

وهل حضرتك شخصيا طلبتي مني طلب يتعلق بموقعي الادارة بالمنتدى ولم اتعامل معه ؟

طيب الاخوة في المنتدى ما رايهم في تلك النقطة

الشعب يريد تغيير التوقيع
فمع كل الاحترام والتقدير هذا التوقيع لا يتناسب مع اسم خادم رسول الله

بالمناسبة هذا التوقيع ليس تاييدا للقذافي

فالقفذافي رجل مجنون بجد و مختل عقليا

اما عن هذه الجملة فقد رسمت مع اصدقائي لوحة فكاهية للقذافي على جدار على احد الاسوار بمدينة نصر وهي مشهورة هناك جدا والناس تاخذ الصور بجوارها

وهي من قبيل الفكاهة فقط وارتباطها بهذا الموقف وليس تأييدا لهذا البهلوان

[البراء بن مالك 11]

فقد رسمت مع اصدقائي لوحة فكاهية للقذافي على جدار على احد الاسوار بمدينة نصر وهي مشهورة هناك جدا والناس تاخذ الصور بجوارها

يا سلام على الفن التشكيلى

عايزين نشوفها يا مولانا

[سمسومه]

بسم الله الرحمن الرحيم
السلام عليكم ورحمة الله وبركاته

طيب هل حضرتك رايتي اني في يوم من الايام استخدمت المنتدى على اساس انه منتدي شخصي لي وتصرفت فيه ومع من فيه كتصرف مالك في شيء يملكه ؟

العفو لم أقصد ذلك ،
هو صحيح كان بعض المسئولين في البلد بيتاعملوا علي انها ممتلكات شخصية ،
لكن كان في البعض الآخر اللي كان بعيد عن الشعب ولا يتعامل معه بل يتعامل مع فئه معينه ( علي أساس انها تتناسب مع وضعه وذكائه )
لكن عامة الشعب كفاية عليه المشاهدة واذا شارك لم يُسمَع صوته
وأعتقد ان هذا من أكثر ما يثير غضب الشعوب وخاصة الشعب المصري

طيب الاخوة في المنتدى ما رايهم في تلك النقطة

وهل حضرتك شخصيا طلبتي مني طلب يتعلق بموقعي الادارة بالمنتدى ولم اتعامل معه ؟

الحقيقة دا محصلش
بس فكرة ، ياريت يا جماعة أي حد عنده طلب من أي مشرف يكتبه بسرعة ( فرصة لتحقيق المطالب )

[سمسومه]

الشعب يريد تغيير التوقيع

أدي اول طلب ، ولم يتحقق بعد

عايزين نشوفها يا مولانا

وأدي تاني طلب ، ولم يتحقق
عاوزين استجابة ولا نعمل اضراب؟

[abcdef_475]

بسم الله الرحمن الرحيم
السلام عليكم ورحمة الله وبركاته

يا سلام على الفن التشكيلى

عايزين نشوفها يا مولانا

والله يا خالد في واحد ربنا يكرمه بوظها ودهنها باللون الاصفر ... شكله تبع القذافي

بهدلها بس الدهان شفاف والصورة باينه من تحته

مش عارف تمشي معاك كدة ولا ايه

العفو لم أقصد ذلك ،
هو صحيح كان بعض المسئولين في البلد بيتاعملوا علي انها ممتلكات شخصية ،
لكن كان في البعض الآخر اللي كان بعيد عن الشعب ولا يتعامل معه بل يتعامل مع فئه معينه ( علي أساس انها تتناسب مع وضعه وذكائه )
لكن عامة الشعب كفاية عليه المشاهدة واذا شارك لم يُسمَع صوته
وأعتقد ان هذا من أكثر ما يثير غضب الشعوب وخاصة الشعب المصري

طيب هو انا كنت وزير سابق ولا عضو مجلس شعب

وبعدين انا مش مسؤول ولا باخد مرتب من المنتدي

ولا بتحسبوا ال 8 ميلون جنيه سنويا دول فلوس ؟

طيب الاخوة في المنتدى ما رايهم في تلك النقطة

الحمد لله الاخوة كلهم هنا بيحبوني

والحمد لله شعبيتي في المنتدى جارفة

الحقيقة دا محصلش
بس فكرة ، ياريت يا جماعة أي حد عنده طلب من أي مشرف يكتبه بسرعة ( فرصة لتحقيق المطالب )

والله اي طلب سواء كان هنا او في اي وقت احاول فيه على قدر ما استطيع

وربنا يشهد

أدي اول طلب ، ولم يتحقق بعد

لا تحقق مع ان التوقيع كان عادي

وأدي تاني طلب ، ولم يتحقق
عاوزين استجابة ولا نعمل اضراب؟

لا في استجابة ان شاء الله

لكن بعد اللي حصل لها دا

هينفع تشوفوها كدة عادي ولا ايه ؟

[eng.con]

طيب الاخوة في المنتدى ما رايهم في تلك النقطة

أنا متفق مع الأخت سمسومة

لازم نطهر المنتدى من فلول النظام السابق

عشان تبقى تكتب باللون الأحمر اوى

[خادم الإسلام والمسلمين]

ولا بتحسبوا ال 8 ميلون جنيه سنويا دول فلوس ؟

[abcdef_475]

بسم الله الرحمن الرحيم
السلام عليكم ورحمة الله وبركاته

أنا متفق مع الأخت سمسومة

لازم نطهر المنتدى من فلول النظام السابق

عشان تبقى تكتب باللون الأحمر اوى

ايه يا عم اينح

ما تخليك يا عم محضر خير

دا انا لسه بقول شعبيتي وبتاع

انا شكلي هطاردك من هن و رايح في منتدي منتدي ، شارع شارع ، حارة حارة ، زنجة زنجة ، بيت بيت

وعلى جمل كمان هجيبة من نزلة السمان وهمسكلك في ايدي اربع قنابل مولوتوف

عاشق الجنان .... قولي انت يا راجل 8 مليون جنيه ايه بس اللي بيتكلمو فيهم دول

اعمل بيهم ايه

اجيب بيهم لب ؟