حوار مفتوح مع الضيف جريت برنسبلز

اقتباس:

---

النص يا صديقي واضح يقول المراة خلقت من اجل الرجل

وليس من الرجل اظن الكلام لا لبس فيه

---

والنص له تفسير آخر غير اللى حضرتك فاهمه , أنا وضحته
حضرتك مش مقتنع به , حقك لكن مش المطلوب منى أزيد من كده

عارف ليه ؟

عشان عارف زى مدير المنتدى , إحنا سيوف بتارة على أعداء الإسلام لازم نفصل بحكم معين وتقفل الحديث ويطلع أنا شكلى وحش , تردوا حضراتكم ولو فى حد مش فاهم هيصدقكم أنتم

دلوقتى حضرتك بتبدأ فى الدائرة المفرغة , أنا أقول تفسير , تقولى غلط , أرجع أشرح تانى , تقول مراوغة , أشرح تالت , تقفل الحديث وزى ما قلت المؤمن لا يلدغ من حجر مرتين

اقتباس:

---

وكيف تعبد شخص قتله اليهود؟

---

أنا مش بعبد إلا الله سبحانه وتعالى الواحد ومش بعبد أى شخص , أستغفر الله العظيم

ومؤمن زى حضرتك إن المسيح رسول من الله ونبيه

العضو Great

يوجود تناقض في معتقدك وهو الإيمان بالإسلام العظيم بأنه دين من عند الله والنبي محمد بن عبدالله :salla: رسول من عنده وبين إيمانك في بأن المسيحيه دين من عند الله والعهد الجديد كتاب وكلام الله

وهذا الأعتقاد لا يؤمن به أحد ومن يؤمن بهكذا أعتقاد ليس من العقل بشيء

وأعتقادك بهذا المعتقد وهو الإيمان بالإسلام والمسيحية في نفس الوقت أنت بذلك تتهم الله سبحانه وتعالى ( وحاشا الله ) بالتناقض

والسبب وكما قالوا لك الأخوه

القرآن الكريم ينفي صلب المسيح عليه السلام والعهد الجديد يقول بأن المسيح عليه السلام صُلِب

وأنت تقول - قضية الصلب ) أمر تاريخي

السؤال الموجه لك الان

أنت تؤمن بأن القرآن الكريم كلام الله ( كما تقول ) فهل تُقدم التاريخ على كلام الله أو تُقدم كلام الله على التاريخ

وبمعنى آخر هل كلام الله هو الأصدق والصحيح أو التاريخ أصدق من كلام الله ؟

تفضل بالأجابه من فضلك

طيب تمام بخصوص الوضوء

سؤال آخر :

سمعت حديث بيقول " خيركم من بكر بالأنثى "
وآخر من المصدر روى الديلمي عن واثلة بن الأسقع مرفوعا بلفظ: من بركة المرأة تبكيرها بالإناث؛ ألم تسمع قوله تعالى: يهب لمن يشاء إناثا ويهب لمن يشاء الذكور. فبدأ بالإناث، ورواه أيضا عن عائشة مرفوعا بلفظ: من بركة المرأة على زوجها تيسير مهرها وأن تبكر بالإناث

عندما سألت شخص مسئول فى الكنيسة , قال أن الحديث إما ضعيف أو موضوع وفى الكنيسة مستدلين ببحثهم الشخصى وبأقوال علماء الحديث
وأيضاً أخبرنى أن أصلاً أول أبناء الرسول - صلى الله عليه وسلم - كان من الذكور وهو إبراهيم
وحتى عندما تزوج السيدة المصرية مارية القبطية أنجب منها ذكراً وهو القاسم

طبعاً أنا واثق به , ولكن شاكك 1 % إنه صحيح عشان الرسول - صلى الله عليه وسلم - مات جميع أبنائه الذكور وكان صابراً ولم يحزن كثيراً , وقال فقط عندما موت إبنه " إن العين لتدمع وإننا لفراقك يا إبراهيم لمحزنون "

وكان أكثر من يحبه من أبنائه السيدة فاطمة الزهراء

اقتباس:

---

وهذا الأعتقاد لا يؤمن به أحد ومن يؤمن بهكذا أعتقاد ليس من العقل بشيء

---

ما هو ده من ذوقك ودينك وأخلاقك

على فكرة يا جماعة , أنتم بتغلطوا فيا كتير وأنا ساكت رغم إنى كنت منسحب أصلاً

اقتباس:

---

تفضل بالأجابه من فضلك

---

أنت مش شايف إن مثلاً العهد الجديد , شىء تاريخى هو كمان ؟

كلام الله أسبق من التاريخ طبعاً ولكن أنا آلان لا أقدر أن أتحمل أن أقول شىء كبير مثل هذا
فقط أتحدث وأنا مجرد من العاطفة والميل نحو المسيحية , أناقش شرائع وأقول عدل أو ظلم حسب وجهة نظرى وفقط

وهذا أمر ضرورى , لربما مثلاً تكشفت حقيقة أكبر

اقتباس:

---

ما هو ده من ذوقك ودينك وأخلاقك

على فكرة يا جماعة , أنتم بتغلطوا فيا كتير وأنا ساكت رغم إنى كنت منسحب أصلاً

---

ياعزيزي من الذي غلط فيك ؟؟؟؟؟؟؟؟؟؟؟؟؟؟؟؟

وكل شويه تقول منسحب ياعم حد مسكك ولا جابرك على حاجه ؟؟؟؟؟؟

انت بنفسك الذي تشارك وتكتب وعجبي

اقتباس:

---

أنت مش شايف إن مثلاً العهد الجديد , شىء تاريخى هو كمان ؟

---

العهد الجديد بالنسبة لي ليس مرجعاً تاريخياً ولا كتاب من الله ولا أخذ منه حق ولا أخذ منه باطل

اقتباس:

---

كلام الله أسبق من التاريخ طبعاً ولكن أنا آلان لا أقدر أن أتحمل أن أقول شىء كبير مثل هذا

---

ممتاز

الان أمامك أختيارين أما أن تقول أنك تؤمن بالعهد الجديد ولا تؤمن بالقرآن الكريم أو أنك تؤمن بالقرآن الكريم ولا تؤمن بالعهد الجديد

بأيمانك هذا بالمعتقدين في نفس الوقت أنت بذلك تنسب الى الله عز وجل التناقض والخطأ والتضارب .. ألخ ولا يجوز أن تنسب ذلك

فماذا تختار ؟

اقتباس:

---

فقط أتحدث وأنا مجرد من العاطفة والميل نحو المسيحية

---

عزيزي يجب عليك أن تُخرج العاطفه من طريقك عندما تُريد أن تعرف ما هو الدين الصحيح والحق والذي هو من عند الله لا مكان للعاطفه فقط أستخدم العقل الذي أنعمك الله به


طيب سؤال

هل الله متناقض ؟

اقتباس:

---

سمعت حديث بيقول " خيركم من بكر بالأنثى "
وآخر من المصدر روى الديلمي عن واثلة بن الأسقع مرفوعا بلفظ: من بركة المرأة تبكيرها بالإناث؛ ألم تسمع قوله تعالى: يهب لمن يشاء إناثا ويهب لمن يشاء الذكور. فبدأ بالإناث، ورواه أيضا عن عائشة مرفوعا بلفظ: من بركة المرأة على زوجها تيسير مهرها وأن تبكر بالإناث

عندما سألت شخص مسئول فى الكنيسة , قال أن الحديث إما ضعيف أو موضوع وفى الكنيسة مستدلين ببحثهم الشخصى وبأقوال علماء الحديث
وأيضاً أخبرنى أن أصلاً أول أبناء الرسول - صلى الله عليه وسلم - كان من الذكور وهو إبراهيم
وحتى عندما تزوج السيدة المصرية مارية القبطية أنجب منها ذكراً وهو القاسم

---

الحديث ضعيف

http://www.islamweb.net/fatwa/index....waId&Id=110940

اقتباس:

---

ولكن شاكك 1 % إنه صحيح

---

عزيزي تصحيح الحديث لا يُصحح من خلال موضوع آخر

يوجود لدينا حاجه أسمها - شروط صحة الحديث - وغير ذلك مرفوض

اقتباس:

---

مات جميع أبنائه الذكور وكان صابراً ولم يحزن كثيراً

---

ماذا تُريد منه أن يفعل هل تُريد أن يغلق الباب على نفسه ويفضل يبكي ويحزن طوال عمره مثلاً؟

اقتباس:

---

وكان أكثر من يحبه من أبنائه السيدة فاطمة الزهراء

---

وهل توجود مشكله لما أب يحب بناته ؟

اقتباس:

---

ياعزيزي من الذي غلط فيك ؟؟؟؟؟؟؟؟؟؟؟؟؟؟؟؟

---

حضرتك قلت إن اللى يؤمن بالمسيحية والإسلام ليس له عقل أو شىء خارج عن العقل
وبينما أنا قلت إنى مؤمن بهذا

اقتباس:

---

انت بنفسك الذي تشارك وتكتب وعجب

---

والله أنا ماكنتش بحاور حضرتك , خلاص الحوار اللى كنت مع حضرتك فيه حضرتك قفلته الحمد لله
وأنا برد على دكتور أحمد عادى وهو اللى كان سباق بالرد بعد حتى ما قلت منسحب , ومن الذوق والإتكيت إنى أرد عليه

اقتباس:

---

فماذا تختار ؟

---

أنا لم أنسب إلى الله شئياً من التناقض طبعاً , أستغفر الله العظيم
وأنا حر أختار أى معتقد , إختار الإثنين , لا أختار , حرية شخصية

اقتباس:

---

عزيزي يجب عليك أن تُخرج العاطفه من طريقك عندما تُريد أن تعرف ما هو الدين الصحيح والحق والذي هو من عند الله لا مكان للعاطفه فقط أستخدم العقل الذي أنعمك الله به

---

سبحان الله
هو أنا قلت حاجة غير كده ؟

اقتباس:

---

حضرتك قلت إن اللى يؤمن بالمسيحية والإسلام ليس له عقل أو شىء خارج عن العقل
وبينما أنا قلت إنى مؤمن بهذا

---

وهل هذه مسبّه ؟

هل الذي يؤمن بكتابين تتضارب بهم المعلومات الاول ينفي والثاني لا ينفي بل يُصرح .. هل هذا من العقل ؟

اقتباس:

---

والله أنا ماكنتش بحاور حضرتك , خلاص الحوار اللى كنت مع حضرتك فيه حضرتك قفلته الحمد لله

---

اقتباس:

---

ومن الذوق والإتكيت إنى أرد عليه

---

وكمان الذوق والاتكيت ايضاً أن لا تقول كل شوية أنا منسحب وكأن حد جابرك على حاجه

عزيزي الحوار مفتوح الكل يستطيع يشارك وليس مخصص على أحد يعني لو أتى مسيحي آخر يُريد أن يشارك معنا أهلاًٍ وسهلاً به

اقتباس:

---

أنا لم أنسب إلى الله شئياً من التناقض طبعاً , أستغفر الله العظيم

---

لا تنسب ؟

والإيمان بالقرآن الكريم الذي هو من عند الله والذي صرح ونفى صلب المسيح عليه السلام وفي نفس الوقت تؤمن بالعهد الجديد الذي هو من عندالله ( بأعتقادك أنت ) والذي لا ينفي صلب المسيح عليه السلام

نسميه ايه ده بالله عليك ؟

أحترم عقولنا الله يهديك

اقتباس:

---

وأنا حر أختار أى معتقد , إختار الإثنين , لا أختار , حرية شخصية

---

حر على نفسك ياعزيزي مش على كلام الله .. هنا تحترم عقولنا وتحترم مُعتقدنا ولا تقول أنك تؤمن بالأثنين ولا بهكذا تنسب التناقض لله سبحانه كما أثبت لك ونحن لا نقبل بذلك

اقتباس:

---

سبحان الله
هو أنا قلت حاجة غير كده ؟

---

صح أعتذر على هذا الخطأ مني .. خطأ غير مقصود وأنا أعتذر لك


لم تُجيب على سؤالي ياعزيزي

هل الله متناقض ؟

اقتباس:

---

وكمان الذوق والاتكيت ايضاً أن لا تقول كل شوية أنا منسحب وكأن حد جابرك على حاجه

---

بس الموقف , مختلف , لما سألتنى تحب تكمل ولا لا , قلت لا , ومن ثم الدكتور أحمد قالى خليك عندك جدية زى ما قلت لو أنت جدى فى الحوار , وسألنى ورديت عليه والحمد لله

+
بس رغبتى الإنسحاب , من أول لما حضرتك قلت على المنهج الأكاديمى وقلت إن كل مدير من حقه إن يتدخل لتنظيم الحوار

ودلوقتى دخلتنا فى موضوع تانى وبتقول الحوار مفتوح ومن حق أى حد يتدخل , وحضرتك تدخلت , والموضوع التانى عايزينى أختار ما بين القرآن والعهد الجديد , وأنا حر وطبعاً على نفسى أنا عشان ده معتقدى الشخصى أنا لكن أنت بتقول إختار ومش فاهم إيه اللى فيه مش محترم عقول معالى جناب حضراتكم

فعشان كده الحوار هينتهى لما أفضل مصمم على معتقدى , هتقول خروج عن المنهج الأكاديمى وأنت بترفض كلام العاماء وبتضييع وقتنا وإحنا هنا مش بنقبل غير الدفاع عن الإسلام وإحنا سيوف بتارة لأى مشكك فيه وإلى آخره ...

يتبقى فقط مشاركة للأستاذة زهراء قلت هارد عليها ولى عودة مع تلك المشاركة , أكتبها وإن شاء الله لو فى أستاذ مسيحى كان ممكن يتدخل فى الحوار يتفضل سيادته مع حضراتكم الأفاضل

اقتباس:

---

أنا مش بعبد إلا الله سبحانه وتعالى الواحد ومش بعبد أى شخص , أستغفر الله العظيم

ومؤمن زى حضرتك إن المسيح رسول من الله ونبيه

---

لحظة يا جماعة لنقف لحظة امام هذا الكلام

اذا صديقي العزيز انت مؤمن بان الله واحد لاشريك له

وان عيسي عبد الله ورسوله

وان محمدا رسول الله

هل نحن متفقين ام لا؟

ان كنا متفقين فلنبدا من هنا

اسمعنا اشهد ان لا اله الا الله وان محمدا رسول الله وان المسيح عبد الله ورسوله

اقتباس:

---

هل الله متناقض ؟

---

أسف , طبعاً لا يا أستاذ

اقتباس:

---

أنا مش بعبد إلا الله سبحانه وتعالى الواحد ومش بعبد أى شخص , أستغفر الله العظيم

ومؤمن زى حضرتك إن المسيح رسول من الله ونبيه

---

تاني

لحظة يا جماعة لنقف لحظة امام هذا الكلام

اذا صديقي العزيز انت مؤمن بان الله واحد لاشريك له

وان عيسي عبد الله ورسوله

وان محمدا رسول الله

هل نحن متفقين ام لا؟

ان كنا متفقين فلنبدا من هنا

اسمعنا اشهد ان لا اله الا الله وان محمدا رسول الله وان المسيح عبد الله ورسوله

اقتباس:

---

ومن ثم الدكتور أحمد قالى خليك عندك جدية زى ما قلت لو أنت جدى فى الحوار

---

ووقتها تقدر تقول ايضاً أنك تُريد الانسحاب ولا تُكمل

عموماً أن أردت الاستمرار أهلاًُ وسهلاً بك ولكن لا تكرر علينا كل شويه أنا منسحب ومش عارف ايه وأن أردت الأنسحاب ايضاً أهلاً وسهلاً بك

اقتباس:

---

ودلوقتى دخلتنا فى موضوع تانى وبتقول الحوار مفتوح ومن حق أى حد يتدخل , وحضرتك تدخلت , والموضوع التانى عايزينى أختار ما بين القرآن والعهد الجديد , وأنا حر وطبعاً على نفسى أنا عشان ده معتقدى الشخصى أنا لكن أنت بتقول إختار ومش فاهم إيه اللى فيه مش محترم عقول معالى جناب حضراتكم

فعشان كده الحوار هينتهى لما أفضل مصمم على معتقدى , هتقول خروج عن المنهج الأكاديمى وأنت بترفض كلام العاماء وبتضييع وقتنا وإحنا هنا مش بنقبل غير الدفاع عن الإسلام وإحنا سيوف بتارة لأى مشكك فيه وإلى آخره ...

---

شكلنا بنتكلم بلغة غير العربية والله المستعان

تعالوا بنا لنقرأ (فكاهيات) العضو المسيحي "Great Principles" ... واحمدوا ربنا العزيز الحكيم على نعمة الإسلام والعقل ..


.

(1)

اقتباس:

---

سفر اللاويين [ 15 : 19 ] :
(( وَإِذَا حَاضَتِ الْمَرْأَةُ فَسَبْعَةَ أَيَّامٍ تَكُونُ فِي طَمْثِهَا، وَكُلُّ مَنْ يَلْمِسُهَا يَكُونُ نَجِساً إِلَى الْمَسَاءِ. 20كُلُّ مَا تَنَامُ عَلَيْهِ فِي أَثْنَاءِ حَيْضِهَا أَوْ تَجْلِسُ عَلَيْهِ يَكُونُ نَجِساً، 21وَكُلُّ مَنْ يَلْمِسُ فِرَاشَهَا يَغْسِلُ ثِيَابَهُ وَيَسْتَحِمُّ بِمَاءٍ وَيَكُونُ نَجِساً إِلَى الْمَسَاءِ. 22وَكُلُّ مَنْ مَسَّ مَتَاعاً تَجْلِسُ عَلَيْهِ، يَغْسِلُ ثِيَابَهُ وَيَسْتَحِمُّ بِمَاءٍ، وَيَكُونُ نَجِساً إِلَى الْمَسَاءِ. 23وَكُلُّ مَنْ يَلَمِسُ شَيْئاً كَانَ مَوْجُوداً عَلَى الْفِرَاشِ أَوْ عَلَى الْمَتَاعِ الَّذِي تَجْلِسُ عَلَيْهِ يَكُونُ نَجِساً إِلَى الْمَسَاءِ. 24وَإِنْ عَاشَرَهَا رَجُلٌ وَأَصَابَهُ شَيْءٌ مِنْ طَمْثِهَا، يَكُونُ نَجِساً سَبْعَةَ أَيَّامٍ. وَكُلُّ فِرَاشٍ يَنَامُ عَلَيْهِ يُصْبِحُ نَجِساً.
25إِذَا نَزَفَ دَمُ امْرَأَةٍ فَتْرَةً طَوِيلَةً فِي غَيْرِ أَوَانِ طَمْثِهَا، أَوِ اسْتَمَرَّ الْحَيْضُ بَعْدَ مَوْعِدِهِ، تَكُونُ كُلَّ أَيَّامِ نَزْفِهَا نَجِسَةً كَمَا فِي أَثْنَاءِ طَمْثِهَا. 26كُلُّ مَا تَنَامُ عَلَيْهِ فِي أَثْنَاءِ نَزْفِهَا يَكُونُ نَجِساً كَفِرَاشِ طَمْثِهَا، وَكُلُّ مَا تَجْلِسُ عَلَيْهِ مِنْ مَتَاعٍ يَكُونُ نَجِساً كَنَجَاسَةِ طَمْثِهَا. 27وَأَيُّ شَخْصٍ يَلْمِسُهُنَّ يَكُونُ نَجِساً، فَيَغْسِلُ ثِيَابَهُ وَيَسْتَحِمُّ بِمَاءٍ، وَيَكُونُ نَجِساً إِلَى الْمَسَاءِ ))[ ترجمة كتاب الحياة ]
وعلشان تتطهر من نجاستها عارف تعمل ايه ولا ما تعرفش؟ ولا مكسوف تقول؟
سفراللاويين ( 15 : 29 ) :
(( وَفِي الْيَوْمِ الثَّامِنِ تَأْخُذُ لِنَفْسِهَا يَمَامَتَيْنِ أَوْ فَرْخَيْ حَمَامٍ وَتَأْتِي بِهِمَا إِلَى الْكَاهِنِ إِلَى بَابِ خَيْمَةِ الاجْتِمَاعِ. 30فَيَعْمَلُ الْكَاهِنُ الْوَاحِدَ ذَبِيحَةَ خَطِيَّةٍ وَالْآخَرَ مُحْرَقَةً وَيُكَفِّرُ عَنْهَا الْكَاهِنُ أَمَامَ الرَّبِّ مِنْ سَيْلِ نَجَاسَتِهَا.)) [ ترجمة الفاندايك ]

اقتباس:

---

هى المشكلة كبيرة , النص ده فى العهد القديم مش متأكد أنا من صحته حالياً
لكن أكيد لو ظلم يبقى أنا مش مؤمن به
لأن المشكلة كانت إضافة اليهود لنصوص أدبية , يعنى إرجع للسفر من أوله هتلاقيه مش وصايا ربانية ولكن أقوال شخص ذو شأن عندهم

---

---

يعني إيه مش متأكد من صحته حالياً ؟ .. وكمان المشكلة كبيرة (يا حلاوة) :thumbup:

وبعدين حضرتك هتختار النصوص على هواك ؟ هوا إيه إللي (أكيد لو ظلم يبقى أنا مش مؤمن به) ... دا المفروض كتاب من الله يا استاذ مش مجلة ميكي .

اقتباس:

---

لكن حالياً على الأقل فى مذهبى المرأة بتتطهر عادى

---

ومذهب جنابك يناقض ما جاء بالكتاب المقدس ؟ :)

اقتباس:

---

الصلاة فى المسيحية غير الإسلام , الأنثى بالمتوسط عليها 25 صلاة فى الشهر مش بتصليهم إنما الراجل ولا صلاة
فى المسيحية مافيش فرض بقى نصلى 5 صلوات فى اليوم أو كدة

---

أمال بتعملوا إيه ؟ بتولعوا شمعة ؟ :king:


(2)

اقتباس:

---

لو الكتاب محرف هنبقى مش عارفين إيه هى الإضافات من الوحى

---

اقتباس:

---

طيب مش أنا قلت لحضرتك مذهب من الطائفة مش تجسد للطائفة كلها
+ لا المعروف فين الإضافات فى العهد القديم ومعروف الوحى أيضاً

---

يعني هناك إضافات أدخلت في كلام معبود الكنيسة ... برافووو :p015:

فعلاً العبرة اننا نفرق بين الإضافة والوحي ، ودا مش معناه طبعاً ان هناك تحريف .. بالعكس ، دا معناه اننا عارفين كتابنا كويس جداً . :p018:


(3)

اقتباس:

---

لو الكتاب محرف هنبقى مش عارفين إيه هى الإضافات من الوحى

---

اقتباس:

---

أيوة ما الكتاب اللى بؤمن بيه أنا مش فيه إضافات لكن مثلاً الأرثوذوكس عندهم

---

أهو دا اسمه النفاق المقدس :D

واُبشرك بأن الأرثذوكس يعتبرون سعادتك وكل من لا يؤمن بالأرثذوكسية كافر ومصيره بحيرة النار والكبريت .. يعني مفيش فرق عندهم بين الوثني وبين غير الأرثذوكسي ، وكلام "كلنا واحد في المسيح" واللذي منه شعارات وعبارات نفاق مش اكتر .


(4)

اقتباس:

---

الكنيسة التابع ليها جديدة من 6 سنوات فقط

---

:SMILS169:

اقتباس:

---

من فضل حضرتك يا أستاذ أحمد , كفاية كلام عن المرأة , المسيحية أعطت الحق الكامل للجنسين من وجهة نظر المذهب وأنا تحدثت بما فيه الكفاية فى الأمر ده وفى النهاية مش بقتنع غير بوجهة نظرى

---

نحن نريد من وجهة نظر الكتاب المقدس ، فكلامك حقيقة لا يهمنا لأنه آراء شخصية .

اقتباس:

---

وأنا تحدثت بما فيه الكفاية فى الأمر ده وفى النهاية مش بقتنع غير بوجهة نظرى

---

:p30:



(5)

اقتباس:

---

وبعدين ما هو فى الإسلام الفرد بيدخل برحمة ربنا فقط , يعنى أيضاً ممكن يكون فى مسلم لا يدخل الجنة أفضل من آخر دخلها
يعنى مش بالأعمال فى الإسلام أيضاً ومافيش حد عارف مين فى الجنة ومين فى النار ؟

---

وهوا سعادتك ضامن دخول الملكوت ؟ نعم ام لا

اقتباس:

---

أنا عن نفسى مش موافق لأن القسم للمناظرة وأنا صفر على الشمال فى العلم فى الإسلام أو حتى المسيحية بالنسبة لدكتور أحمد طبعاً
فلا يجوز إنى أناظره أو يتكتب إسمى مع إسم سيادته على مناظرة واحدة

---

اقتباس:

---

طيب يا أستاذ الكونت أنا ضعيف جداً علمياً فى حوار الأديان , ومعلوماتى حتى فى المسيحية قليلة

---

اقتباس:

---

بس يعنى أنا محترم الإسلام العظيم جداً , لكن مش بلاقى المقابل عن المسيحية

---

كيف لم تجد المقابل وأنت صفر على الشمال في الإسلام والمسيحية ؟ أليس هذا يستدعي أن تكون دارساً لكي تجد الفروق وتميز بينها ؟


(6)

اقتباس:

---

بما إن واقعة يوحنا المعمدان واللص من سفر اللاويين فدلوقتى مش هاقدر أرد بعد إذن حضرتك طبعاً

---

:HARDPOST:

اقتباس:

---

أنا مش طالب حاجة صعبة , العهد القديم مش عارف حاجة عنه , نو نقاش عليه دلوقتى
ونوت ماى بيزنس إن كل الطوائف بتؤمن به أنا ليا مذهبى المؤمن به أيضاً وكل واحد حر
ما هو سيدنا يسوع قال مش هاينقض الوحى لكن غير الوحى ده مافيش حد مسئول عنه
يعنى أنا مثلاً فاكر سفر إسمه نشيد الإنشاد ده مش مؤمن به عشان عمل أدبى يهودى وهكذا

---

لازم طبعاً يكون هناك حرية في الرأي ، يعني اختار السفر إللي تحب تؤمن بيه وخلاص . :image5:

تعرف انك في نظر كل الطوائف المسيحية لا تعتبر مسيحي ؟


(7)

اقتباس:

---

طيب يا أستاذة خلاص أنا مش هاتكلم تانى فى الموضوع ده تانى
بس صدقينى أنا واخد الموضوع جد , وحتى آلان لو مصيرى الجنة مسيحى فالحمد لله
مصيرى النار مسيحى الحمد لله

---

:p018:

اقتباس:

---

دكتور أحمد
طيب أنا أسف , صعب عليا إنى أجاوب حضرتك على حاجة ليس لى علم بها
والأصعب عليا إنى أكمل , لا يلدغ المؤمن من حجر مرتين:image5:
حضرتك مش مبالى باللى قلته لحضرتك + وضعت الأيموشن اللى بيضحك على كلامى مش هاستنى لما حضرتك تنهى الحوار من نفسك
أنا زى ما قلت لحضرتك أنا صفر على الشمال بالنسبة لعلم حضرتك , أنا دخلت الموضوع عشان أعتذر للأستاذ السيف العضب وبعدين تحول لحوار معاك
مافيش تكافؤ فرص
أنا بفضل الإنسحاب

---

:36_1_39:

اقتباس:

---

أنا مؤمن بالإسلام طبعاً زى ما قلت لكن مؤمن بالمسيحية

---

:teeth_smile:

اقتباس:

---

الإسلام هو الصح , لكن حتى الوقت ده مش مقتنع مثلاً بنقاط تخص العدل فى الإسلام

---

اقتباس:

---

كيف فى الوضوء يكون الإستنشاق عن طريق الأنف قبل غسيل الوجه ؟
فأنا أرى منطقياً أن غسيل الأنف يكون آخر شىء لأن يتوحب غسل اليدين بالمنظفات بعدها

---

اقتباس:

---

سمعت حديث بيقول " خيركم من بكر بالأنثى "
وآخر من المصدر روى الديلمي عن واثلة بن الأسقع مرفوعا بلفظ: من بركة المرأة تبكيرها بالإناث؛ ألم تسمع قوله تعالى: يهب لمن يشاء إناثا ويهب لمن يشاء الذكور. فبدأ بالإناث، ورواه أيضا عن عائشة مرفوعا بلفظ: من بركة المرأة على زوجها تيسير مهرها وأن تبكر بالإناث
عندما سألت شخص مسئول فى الكنيسة , قال أن الحديث إما ضعيف أو موضوع وفى الكنيسة مستدلين ببحثهم الشخصى وبأقوال علماء الحديث
وأيضاً أخبرنى أن أصلاً أول أبناء الرسول - صلى الله عليه وسلم - كان من الذكور وهو إبراهيم
وحتى عندما تزوج السيدة المصرية مارية القبطية أنجب منها ذكراً وهو القاسم
طبعاً أنا واثق به , ولكن شاكك 1 % إنه صحيح عشان الرسول - صلى الله عليه وسلم - مات جميع أبنائه الذكور وكان صابراً ولم يحزن كثيراً , وقال فقط عندما موت إبنه " إن العين لتدمع وإننا لفراقك يا إبراهيم لمحزنون "
وكان أكثر من يحبه من أبنائه السيدة فاطمة الزهراء

---

الأسئلة دي هي التي تقف حائلاً أمامك لكي تقتنع بالإسلام ؟ :cool0:

يا بني اعرف العقائد والتشريعات اولاً ثم بعد ذلك استفسر عن حديث او أي شيء .


(8)

اقتباس:

---

أنا مش بعبد إلا الله سبحانه وتعالى الواحد ومش بعبد أى شخص , أستغفر الله العظيم
ومؤمن زى حضرتك إن المسيح رسول من الله ونبيه

---

اقتباس:

---

أنا مؤمن بالإسلام طبعاً زى ما قلت لكن مؤمن بالمسيحية
هتقول , هنا المسيح لم يصلب والعكس فى الأخرى
الرأى إن ده شىء تاريخى , مش أنا اللى بفصل فيه والله أعلى وأعلم

---

:emM4_:

اقتباس:

---

أنا حر أختار أى معتقد , إختار الإثنين , لا أختار , حرية شخصية

---

:trampolin

.



وإلى اللقاء مع مزيد من الضحك والفكاهة .

اقتباس:

---

وإلى اللقاء مع مزيد من الضحك والفكاهة .

---

:p012::p012::p012:

يا دكتور أحمد

زى ما حضرتك شايف بقيت كلاون من رد السيف العضب
والأستاذ المدير شايف إن كلامى مبهم

حضرتك فى آخر رد طلبت منى

اقتباس:

---

اسمعنا اشهد ان لا اله الا الله وان محمدا رسول الله وان المسيح عبد الله ورسوله

---

بغض النظر عن المضمون

3 مرة , بعد حضرتك وأستاذة زهراء دلوقتى الأستاذ الكونت مش فاهم أنا بقول إيه
+
السيف العضب شايفنى كلاون
=
إنتهاء الحوار والحمد لله

وللأسف أنا إنتظرت حتى شاهدت الرد الأخير ده

اقتباس:

---

أسف , طبعاً لا يا أستاذ

---

طيب ممتاز

لو قرأت في كتاب منسوب إلى الله تعالى ووجدت فيه تناقض في الأقوال

ماذا سيكون موقفك من هذا الكتاب ؟

تفضل إذا أردت الأستمرار

اقتباس:

---

بغض النظر عن المضمون

---

يا صاحبي يعني ايه بغض النظر عن المضمون انت قلت

اقتباس:

---

أنا مش بعبد إلا الله سبحانه وتعالى الواحد ومش بعبد أى شخص , أستغفر الله العظيم

ومؤمن زى حضرتك إن المسيح رسول من الله ونبيه

---

فارجو ان تقول اشهد ان لا اله الا الله وان محمدا رسول الله وان المسيح عبد الله ورسوله

اقتباس:

---

بعد حضرتك وأستاذة زهراء دلوقتى الأستاذ الكونت مش فاهم أنا بقول إيه
+

---

انا فاهم ارجو ان يكون طلبي نقطة بداية

ولا علاقة لطلبي بالحوار الاكاديمي العصري العلمي المبني علي اصول الاصول الواجبة لعلم الوصول
ولا علاقة له بان يتم غلق الموضوع

انا بانتظارك صديقي العزيز لتكون نقطة بداية للحوار الجديد

يا دكتور أحمد

لو حضرتك مكانى , السيف العضب وضع المشاركة على حضرتك

هل ستستمر أيضاً ؟

اقتباس:

---

المشاركة الأصلية كتبت بواسطة great principles

يا دكتور أحمد

لو حضرتك مكانى , السيف العضب وضع المشاركة على حضرتك

هل ستستمر أيضاً ؟

---

اولا احب ان اوضح لك شيء مهم

اقسم بالله العظيم وانا صادق فيما اقول

الكونت والسيف العضب والاخت زهراء وكل ادارة المنتدي تتمني لك الخير وتتمني ان تصل للحقيقة

ولكن انت في كل مشاركة تقول ستغلقون الموضوع


انتم تسيئون للمسيحية

انتم تسخرون مني

مما دفع الاخوة لكتابة المشاركات السابقة

واضعا في اعتبارك انك انت الذي رفضت الحوار الثنائي وطلبت ان يكون حوارا مفتوحا

وانا لو مكانك وجاد في الحوار اقسم بالله ساكمل الحوار

وبرضه ما تحاولش تهرب

ان كنت صادقا فيما قلت

فاشهد ان لا اله الا الله وان محمدا رسول الله وان عيسي عبد الله ورسوله

صعبة دي ؟
مش ده كلامك؟

أنا أشهد عادى , أشهد أن لا إله إلا الله وأن سيدنا محمد رسول الله وأن سيدنا المسيح نبى الله

ولكن المشاركة من السيف العضب والكومينت عليها من الكونت , إستهزاء منى وأنا كأى شخص لا يقبل ذلك

الله اكبر

اذا دعك من المشاركات السابقة

امسحها في اخوك

انا بانتظار اي اعتراض عندك علي اي شيء في الاسلام

وما الذي يدفعك للشك في ان المسيح عليه السلام قد صلب

وانا ان شاء الله ساطلب من الاخوة عدم التدخل في الحوار

واعتذر بدلا من السيف العضب والكونت ارجو ان تقبل اعتذاري

اقتباس:

---

المشاركة الأصلية كتبت بواسطة great principles

أنا أشهد عادى , أشهد أن لا إله إلا الله وأن سيدنا محمد رسول الله وأن سيدنا المسيح نبى الله

ولكن المشاركة من السيف العضب والكومينت عليها من الكونت , إستهزاء منى وأنا كأى شخص لا يقبل ذلك

---

طيب
اعتبر هذا أول تدخل لي في الحوار.
دعني أسألك بلطف:
إذا كنت تؤمن أن محمداً رسول الله، فهل تؤمن بما جاء به من القصص والشرائع؟

بسم الله الرحمن الرحيم
السلام عليكم ورحمة الله وبركاته

وازيد على مشاركة وان ، ومشاركتي هذه بالمناسبة ليست ضمن الحوار ولكن الضيف ملزم بالاجابة عليها .... ويقدر ان يعتبرها مشاركة ادارية

هل انت مؤمن بان الإسلام والقرآن جاء ناسخا لما سبق من كتب وشرائع ؟

اقتباس:

---

هل انت مؤمن بان الإسلام والقرآن جاء ناسخا لما سبق من كتب وشرائع ؟

---

بصراحة أنا مش فاهم السؤال , القرآن من عند ربنا , يسنخ ليه ؟

اقتباس:

---

واعتذر بدلا من السيف العضب والكونت ارجو ان تقبل اعتذاري

---

يا أستاذ , هما ناس كبار وأكيد عارفين هما بيقولوا إيه

إنما أنا تصادمت معهم بهذا الشكل وتصادمت مع الأستاذ الكونت مسبقاً , فلا داعى لمزيد من هذا القبيل

صديقي العزيز

الاخ abcdef

يقصد بكلمة ناسخ اي لاغي

يعني الاسلام والقران قد الغي ماقبله من كتب وشرائع واصبح واجب الاتباع بكل ما فيه

اقتباس:

---

المشاركة الأصلية كتبت بواسطة one1_or_three3

طيب
اعتبر هذا أول تدخل لي في الحوار.
دعني أسألك بلطف:
إذا كنت تؤمن أن محمداً رسول الله، فهل تؤمن بما جاء به من القصص والشرائع؟

---

لعلك لم تر كلامي.

one1_or_three3

سورى , أنا بعتذر فعلاً لم أراه وشكراً على فرضك بحسن النية

الشرائع أنا شايف إنها مش ملزمة لأحد غير من يتبعها , يعنى المسلم هو من يحاسب على إتيانها أو تركها
والمسيحى على شرائع دينه وهكذا

ومؤمن إنها مناسبة للبعض والمسيحية للبعض الآخر , ولهذا أنزل الله ثلاثة كتب سماوية وثلاثة أديان

أما القصص , فعلى قدر كل قصة بها اليقين يكون الإيمان

دكتور أحمد

مش عارف بصراحة , الإسلام هو اللى حدد الموضوع ده
هل لغى ما قبله أم أكمل عليه ؟

ولكن بالنسبة لى أرى أن الأديان السماوية تكمل بعضها البعض

اقتباس:

---

المشاركة الأصلية كتبت بواسطة great principles

one1_or_three3
الشرائع أنا شايف إنها مش ملزمة لأحد غير من يتبعها , يعنى المسلم هو من يحاسب على إتيانها أو تركها
والمسيحى على شرائع دينه وهكذا

ومؤمن إنها مناسبة للبعض والمسيحية للبعض الآخر , ولهذا أنزل الله ثلاثة كتب سماوية وثلاثة أديان

أما القصص , فعلى قدر كل قصة بها اليقين يكون الإيمان

---

طيب أنت الآن كتبت الشهادتين، هل الشهادتين مجرد كلمات تكتب وفقط؟ أليس هناك قرآن يجب أن تؤمن به؟
يعني هل أنت تكفر بالكتاب المقدس وتعتقد إنه كتاب محرف، وأكثره باطل؟

اقتباس:

---

المشاركة الأصلية كتبت بواسطة great principles

دكتور أحمد

مش عارف بصراحة , الإسلام هو اللى حدد الموضوع ده
هل لغى ما قبله أم أكمل عليه ؟

ولكن بالنسبة لى أرى أن الأديان السماوية تكمل بعضها البعض

---

بص يا صاحبي انا فهمت المشكلة

انا ان شاء الله حاتكلم معاك بالعامية كدة علي قد ما اقدر

موضوع الاديان السماوية ده موضوع طويل نختصره ببساطة وارجو منك ان تعلق علي كل مداخلة لي وساحاول ان تكون المداخلات صغيرة

اولا كان الله يرسل الانبياء لقومهم خاصة يعني كل نبي مرسل الي قومه فقط لذلك تجد في بعض الاوقات اكثر من نبي في نفس الوقت مثل سيدنا موسي وسيدنا شعيب ومثل سيدنا ابراهيم وسيدنا لوط عليهم صلوات الله وسلامه اجمعين

واي نبي منهم كان ياتي بكتب او شرائع كانت مهمة حفظها موكولة لمن ارسل اليهم هذا النبي فكانوا يضيعون ما فيها ويغيروا ويبدلوا لذلك تعاقب الانبياء وهو امر تعرفه بالتاكيد


وكل الكتب السابقة والتي كانت مهمة حفظها موكلة الي القوم الذين كان يرسل اليهم النبي ضاعت والا لماذا كان الله يرسل النبي وراء النبي؟

( إنا أنزلنا التوراة فيها هدى ونور يحكم بها النبيون الذين أسلموا للذين هادوا والربانيون والأحبار بما استحفظوا من كتاب الله وكانوا عليه شهداء ) .

حتي حدث ما حدث مع المسيح عليه السلام

وكان كل نبي ياتي لقومه مناديا بالاسلام وشهادة ان لا اله الا الله ويبشر بقدوم محمد صلي الله عليه وسلم

وَإِذْ قَالَ عِيسَى ابْنُ مَرْيَمَ يَا بَنِي إِسْرَائِيلَ إِنِّي رَسُولُ اللَّهِ إِلَيْكُم مُّصَدِّقًا لِّمَا بَيْنَ يَدَيَّ مِنَ التَّوْرَاةِ وَمُبَشِّرًا بِرَسُولٍ يَأْتِي مِن بَعْدِي اسْمُهُ أَحْمَدُ فَلَمَّا جَاءهُم بِالْبَيِّنَاتِ قَالُوا هَذَا سِحْرٌ مُّبِينٌ {الصف/6}


{ الذين يتبعون الرسول النبي الأمي الذي يجدونه مكتوبا عندهم في التوراة والإنجيل يأمرهم بالمعروف وينهاهم عن المنكر ويحل لهم الطيبات ويحرم عليهم الخبائث ويضع عنهم إصرهم والأغلال التي كانت عليهم فالذين آمنوا به وعزروه ونصروه واتبعوا النور الذي أنزل معه أولئك هم المفلحون } .
وكل هذا كان موجودا في الكتب التي طالها التغيير والتبديل

فبما نقضهم ميثاقهم لعناهم وجعلنا قلوبهم قاسية يحرفون الكلم عن مواضعه ونسوا حظا مما ذكروا به ولا تزال تطلع على خائنة منهم إلا قليلا منهم فاعف عنهم واصفح إن الله يحب المحسنين ( 13 ) ( ومن الذين قالوا إنا نصارى أخذنا ميثاقهم فنسوا حظا مما ذكروا به فأغرينا بينهم العداوة والبغضاء إلى يوم القيامة وسوف ينبئهم الله بما كانوا يصنعون ( 14 ) )
حتي ارسل الله رسوله عليه الصلاة وافضل السلام

الرحمة المهداة
خاتم الانبياء

اخر فرصة لاهل الارض فلا نبي بعده

جاء بالاسلام والتوحيد وارسل للبشرية جمعاء بشيرا ونذيرا

وتكفل الله بحفظ كتابه الي يوم القيامة فلا يناله التغير والتبديل ولا التحريف

انا نحن نزلنا الذكر وانا له لحافظون

ولذلك فان هذا النبي وهذا الكتاب واجب الايمان به وتصديق كل ما جاء فيه ولا ينفع معه اي ايمان باي شريعة اخري ولذلك قال الله تعالي

وَمَن يَبْتَغِ غَيْرَ الإِسْلاَمِ دِيناً فَلَن يُقْبَلَ مِنْهُ وَهُوَ فِي الآخِرَةِ مِنَ الْخَاسِرِينَ

وقال صلي الله عليه وسلم


( والذي نفسي بيده لا يسمع أحد من هذه الأمة يهوديا أو نصراني ثم لا يؤمن بالذي أرسلت به إلا أدخله الله النار ) أخرجه مسلم.

اذا فالايمان به صلي الله عليه وسلم وبما جاء به واجب وغير ذلك يعني دخول النار والعياذ بالله

ولا يجوز لنا حتي مجرد الاطلاع علي الكتب السابقة لما نالها من التحريف

عـن جابـر بن عبد الله - -: أنّ عمر بن الخطاب أتى النبي - بكتاب أصابه من بعض أهل الكتاب، فغضب، وقال: (( أمتهوكون يا ابن الخطاب؟! والذي نفسي بيده؛ لقد جئتكم بها بيضاء نقيّة، لا تسألوهم عن شيء فيخبروكم بحق فتكذبوا به أو بباطل فتصدقوا به، والذي نفسي بيده؛ لو أنّ موسى عليه السلام كان حياً ما وسعه إلا أن يتّبعني ))

فعليك بكتاب الله وترك ما دونه ففيه الهدي والنور

اسال الله العظيم ان ينير بصيرتك

واسال فيما بدا لك انا معك ان شاء الله

وها هو كبير حاخامات يهود اليمن يعترف بان عنده نسخة من التوراة بها البشارة بالنبي كما ورد في القران


http://www.26sep.net/news_details.ph...abic&sid=27991

إعتذار إيه يا دكتور أحمد !

حتى شوف رده

اقتباس:

---

يا أستاذ , هما ناس كبار وأكيد عارفين هما بيقولوا إيه

---

:p016:


طلعلي إساءة واحدة في مشاركتي يا استاذ ، وياريت نسمع تعليقك عليها .

إذا كان حضرتك بتقول أصلاً فكاهات العضو وذكرت إسم العضوية بتاعتى
وأيموشنات ضحك
وفى الآخر مع مزيد من الضحك والفكاهة

تيك ماى بوزيشن , ترضى حد يعمل لحضرتك كده ؟

اقتباس:

---

إذا كان حضرتك بتقول أصلاً فكاهات العضو وذكرت إسم العضوية بتاعتى
وأيموشنات ضحك
وفى الآخر مع مزيد من الضحك والفكاهة
تيك ماى بوزيشن , ترضى حد يعمل لحضرتك كده ؟

---

إذا كانت مشاركاتي بهذ الأسلوب الطفولي ، فأرضى ان يرد عليَّ الناس هكذا .

ثم هل عندما أقول للجاهل يا جاهل ، فأنا بذلك أشتمه ؟ :p016:

احترم عقولنا يا استاذ فأنت تكلم مسلمين ، ولا تظن انك بنطقك الشهادتين سنفرح ونهلل بذلك ... ولكن يهمنا ان نتأكد ان قائلها مقتنع بها ، فالإيمان ليس باللسان فقط .

راجع مشاركتي مرة أخرى وستجد أن كلامك مجرد أضحوكة ليس إلا .

اقتباس:

---

إذا كانت مشاركاتي بهذ الأسلوب الطفولي ، فأرضى ان يرد عليَّ الناس هكذا .

ثم هل عندما أقول للجاهل يا جاهل ، فأنا بذلك أشتمه ؟

---

والله أنا كنت عارف إن حضراتكم هتقولوا كده , مش حاجة جديدة
شكراً على كلامك بيدل على ذوقك وأخلاقك ودينك

اقتباس:

---

ولا تظن انك بنطقك الشهادتين سنفرح ونهلل بذلك

---

هو حضرتك عرفت ظنى ده منين ؟؟؟!!! , أنا كتبت الشهادتين لكن مش حاجة جديدة مكتسبة من الحوار , أنا كنت كاتب أصلاً مع الأستاذ الكونت إنى مؤمن بالإسلام
وعارف إن ده حاجة ليا

اقتباس:

---

راجع مشاركتي مرة أخرى وستجد أن كلامك مجرد أضحوكة ليس إلا .

---

أنا أسف , بس كلامك على مشاركاتى بالأسلوب ده , شىء سخيف وأنا مش قابله

اقتباس:

---

والله أنا كنت عارف إن حضراتكم هتقولوا كده , مش حاجة جديدة
شكراً على كلامك بيدل على ذوقك وأخلاقك ودينك

---

انت فاكر اني أقصدك بكلمة (جاهل) ؟ واللهِ كنت عارف انك هتفهم كدا !

يا استاذ أنا اقصد : هل عندما أصف شخص بصفة فيه أكون بذلك أشتمه ؟

اقتباس:

---

هو حضرتك عرفت ظنى ده منين ؟؟؟!!! , أنا كتبت الشهادتين لكن مش حاجة جديدة مكتسبة من الحوار , أنا كنت كاتب أصلاً مع الأستاذ الكونت إنى مؤمن بالإسلام
وعارف إن ده حاجة ليا

---

ولكن لم تكن نطقت الشهادتين بعد .

ثم مفيش حاجة اسمها مؤمن بالإسلام وبالمسيحية معاً ، دا مش كلام ناس عاقلين .

اقتباس:

---

أنا أسف , بس كلامك على مشاركاتى بالأسلوب ده , شىء سخيف وأنا مش قابله

---

صدقني مفيش أسخف من أسلوبك الذي ينم عن صغر عقلك (وليس سنك) ... ولثالث مرة أقولها لك : لو تمتلك الشجاعة رد على مشاركتي التي تظنها سخيفة ، فكلامي كله بالإقتباسات من كلامك وليس من بنات أفكاري .

همِّتك يا افندي

اقتباس:

---

بص يا صاحبي انا فهمت المشكلة

انا ان شاء الله حاتكلم معاك بالعامية كدة علي قد ما اقدر

---

إيه يا دكتور أحمد , أنت مش عارفنى فلا تتكلم من منطق زى ده إنى جاهل , لا أنا أرفض ده تماماً , أنا جاهل فى حوار الأديان لكن خارج كده الحمد لله , ولو حضرتك شابف كده يبقى ننهى الحوار بجد هذه المرة عشان أنا عايز أرد على حضرتك بالذات عشان حضرتك بتسأل الأول وعايز تعمل شىء إيجابى لكن الليفل ده خطر إنك تفكرنى كده

اقتباس:

---

ولذلك فان هذا النبي وهذا الكتاب واجب الايمان به وتصديق كل ما جاء فيه ولا ينفع معه اي ايمان باي شريعة اخري

---

الرأى ببساطة , فى حاجات مش هتتغير فى الشريعة خلاص
إقرأ مثلاً إنجيل يوحنا 11 , 14 وشوف السيد يسوع المسيح نبى الله بيقول إيه عن الحب

وشوف الكتاب المقدس بيحكى كيفية صلبه وهو عارف إنه هيصلب , وإستشعر حالة الحب الوجدانية بين الله ورسوله إلى الناس وبين أحباب الله ورسوله

فى الإسلام , مش عايز أتكلم عنه ولكن الحديث اللى تسبب فى إنهاء المناظرة مع مدير المنتدى , أنا بعمل مضاهاة بين الإثنين , والتأثير بمعنى الحب الذى ذكرته فى الشواهد المذكورة إنجيل يوحنا 11 , 14
والحديث , مش قادر أفهمه غير باللى أنا فاهمه عليه , ممكن عشان أفهمه زى ما حضرانكم فهمينه يبقى مش عشان حب وإيمان بكده , ولكن خوف وضرورة إتباع

لو عايز تسأل , إسال عن الشواهد الأول , عشان أقدر أكمل الحوار

اقتباس:

---

وها هو كبير حاخامات يهود اليمن يعترف بان عنده نسخة من التوراة بها البشارة بالنبي كما ورد في القران

---

هو حر , مش ملزم غير بالمذهب وفقط
أرجو التفهم لهذا الأمر , وصدقنى الحوار هيكون أسهل جداً لو نظمناه بإحترام رغبات الطرفين

دكتور أحمد

أنا فكرت أرد على المشاركة الأخيرة لـ " السيف العضب " ولكن تعاليم دينى وتربيتى لم تسمح وبعدين المشاركات دى بتعكس مدى أخلاق كل فرد ودين كل فرد , مش هاقول وايز معروفة ولكن من إسم العضوية المعنى موجود أنا أقصد إيه وأنا بوجه لحضرتك فقط

أرجو التنظيم والإحترام من طرفكم لو الحوار هيكون مفتوح

أنا لما طلبت عدم فتح حوار ثنائى قصدت إنى مش عايز مناظرة عشان المناظرة بتكون بين طرفين متساويين فى العلم وعندهم أدلة قوية للإقناع أو على الأقل قريبين جداً من بعض
ولكن أنا بحوار حضرتك حوار ودى وليست مناظرة

ولكن الحوار أصبح مفتوحاً ومن ثم توجهت الإهانات لى !!!