ناجى العلى

[ashek elshehada]

ناجى العلى
الليلة دى ..
مالها حزينة ومظلمة..
والنفس ذى اليل
كئيبة ومعتمة
ولقيتنى مخنوق م الشوارع والبيوت
فجريت على دنيا القبور
يمكن الاقى عندها فنان جسور
يمسح دموع قلبى الحزين
قلبى اللى مخنوق م الشوارع
والبيوت
وف عالم الاموات..
صرخت بأعلى صوت :
ناجى العلى
ناجى العلى
ناجى العلى
قوم رد على قلبى الحزين
قلبى اللى مخنوق من البشر
وسط الشوارع والبيوت
ناجى العلى..
ناجى العلى..
وف صمت ليل دنيا القبور
حسيت بخوف
وسمعت عابد وقور
والصوت سأل :
مين اللى صوتة بيرتفع وسط القبور
وبأى حق بيقتحم صوتك منامى
وانت عايز منى اية؟
....
قلبى انتفض
لكن نطقتي
يافخر أهل الفن ..ليه
سبت دنيانا الحزينة
اللى هدتها الشوارع والبيوت ؟
ليه تموت ..
ليه ..
وكل قلوبنا محتاجة لفنك
ليه تموت ؟ ..
رد صوتة :
قال بتسأل ..
طب وفين هى الحياة ؟
طب واية هى الحياة ؟
دا الحياة ما فيهاش حياة..
الحياة
مليانة موت
السكوت ع الظلم موت
والسكوت ع الشر موت
والسكوت ع الذل موت
والسكوت على نهب أرض المسلمين
فى عز عز الضهر ..
موت
ليه بتسأل..
اسكت أحسن..
أصل قبل ما يقتلونى
خيرونى
قالوا :عندك سكتين:
سكة (الموت)
و(السكوت)
ولانى مليت م السكوت
أخترت أموت
أخترت موتة تعزنى
وهه كله
موت
تامر محمد قدور