:p016: .. يا مجاهد ... الكتب إنت صممتها كلها على شكل chm فلو أنا عملتها فرادى ثاني بامتداد chm فده حيبقى تكرار ملهوش فايده ... ده الإجابة على النقطة واحد
الإجابة على النقطه اثنين هي, حطيت الملف بتاع ال chm في الصفحه اللي هي أهم من كل صفحة .... الصفحة اللي دايما بيحب أي متصفح للإسطوانات التجميعية يشوفها .... الصفحة ده بنسيميها ال About .... يعني ( حول الإسطوانة ) ......... عشان أي متصفح بيحب يعرف المعلومات عن المصمم و صاحب الرؤية و كده فحيلاقي الملف هناك ( Bonus ) .... هديه ..... ليه؟ لأنه أنا أصلا إديته الملفات كل كتاب لوحده ...... و ده هو الأهم .... أما الملف ال chm فده حيحملوه بس عشان يبقى مرجع للرجوع ليه لو حبم يشوفو الكتب مجموعة .... لكن ملهوش الملفده ككل مش بنفس أهمية الكتب و هي فرادى ........ و زي منتا شايف أنا كمان رفعت كل كتاب لوحده برضه .... عشان فيه ناس مش حتهتم تحمل الأسطوانة كلها ...... فيه ناس بتخاف من كترة القرايه فتلاقيهم بيحبو اللي محتاجينه بس .... عشان كده حطيت لهم كل كتاب لوحده ...
أما الجواب على النقطه التالته ... فهو كالتالي :
أنا اجزم بأنه كل الكتب مهمة و متساويه في الأهميه ... أنا بنفسي احترت أقدم ايه و أأخر ايه... يمكن بالنسبة لك ( و انا اتفق معاك مبدئيا ) انه الترتيب مش هو...... لكن صدقني فيه ناس غيرك حتلاقيه ترتيب منظم ..... كله بيمشي حسب علمه .....انا الاخر لو سألتني اديك لايحه احط فيها كتب الدكتور حبيب في قائمة تحكمها الأهمية بتاع كل كتاب ...يمكن تستغرب لو قدمت على كتب الكتب في اول اللايحه كتاب :
من بستان الأحاديث النبويه ..... !!
و ده كتاب مش حتلاقي فيه حرف واحد جادت بيه قريحه الدكتور حبيب ..... لكن ( و يمكن لك ترجع للمقمدة اللي كتبتها حول الكتاب ) حتعرف ليه الكتاب يحمل من الأهميه عندي بما يجعلني احطه على رأس كل الكتب ....
( للناس فيما يعشقون مذاهب يا عمي و عم عيالي ) .... إنت الاخر برضه ممكن تحط كتاب :
الكتاب المقدس يؤكد ما يقوله القران .... على راس القايمه لأنك عارف إنه ده حيفيد المبتدئين في علم مقارنة الأديان ......
لكن انا نظامي في الترتيب كان شويه يميل للتفكير في خيارات النصراني مش المسلم ... عشان هي أصلا الأسطوانة موجهه للنصراني كأول جهة مطالبه بمعرفة مواد الأسطوانة .... قبل المسلم بكل تأكيد !
بس كلامك على عيني و راسي من فوق يا عمي .... نعوض في الأسطوانات الجايه و أكيد إنت شفت على الأسطوانة بتاع الدكتور حبيب مين الأساتذه اللي حنعمل ليهم الأسطوانات تباعا بنفس الشكل ....
عشان تكون سلسلة حصرية بمنتدى الفرقان ( سلسلة فرسان الدعوة الإسلامية ) ......... إنت ملاحظتش الزر على الأسطوانة فيه الكلمة ديت؟
أنا عندي بعد نظر ههه ... و الجاي أحلى من اللي فات !